李成昌在近日播出的《殺手》入面，飾演處事又癲又喪、性格暴躁的黑幫大佬「佛爺」，唔少觀眾都讚佢做得好，演技爆發夠搶鏡，好似喺最近一集，佢睇中一間戲院，就岀晒明招暗招，誓要將戲院搶到手。李成昌劇中角講嘢大大聲，橫行霸道，不過現實岀咗名顧家，講起太太、女兒就冧到爆，阿女想體驗《哈利波特》式校園氣氛，就二話不說供佢到英國留學。喺李成昌人生入面，都有過好多唔如意嘅事，而最大遺憾就同媽咪有關。
相關新聞：【TVB服務41年】李成昌為家人安份守己做綠葉 棄爭主角：「長遠地做實力演員
{{hket:inline-image name="ff.png"}}{{/hket:inline-image}}
李成昌演的「佛爺」不時棟腳（圖片：TVB影片截圖）
{{hket:inline-image name="b2339d9b-ce91-4892-af80-7956ddd7be78.jpeg"}}{{/hket:inline-image}}
（《殺手》劇照）
{{hket:inline-image name="175c8bd0-d36e-431e-86ea-ddeb3a6ef8b4.jpeg"}}{{/hket:inline-image}}
（圖片：李成昌微博）
李成昌近日接受訪問時表示，媽咪喺20幾、30年前患上認知障礙症，但當時普遍對呢個病了解不多，只係以為老人家年紀大記憶力唔好。而李媽媽當時多次走失，唔識路返屋企，令李成昌擔驚受怕。他説：「當時我已經喺TVB做緊嘢，有時拍拍吓戲，突然收到屋企人電話，話阿媽唔見咗，唯有報警，我嗰時好心噏，心諗點解會咁㗎，跟住個人就好唔開心。」幸好那次最後媽咪都搵得返，平安返到屋企。
（圖片：李成昌IG）
不過最驚險嘅一次，李成昌表示媽媽走失後，自己係火車嘅路軌行走，相當危險！他説：「當時條路軌有火車行緊，好彩職員趕得切拉返佢上嚟。」李成昌又話家中有八兄弟姊妹，個個都好照顧媽咪，不有時係有心無力，個種感覺更難受：「有時係直頭溝通唔到，佢已經聽唔明我哋講咩，淨係識『嘻嘻嘻』咁笑，你怪佢又唔係，罵佢又唔係。」
李成昌是資深演員，演出過多部電視劇（圖片：李成昌微博）
無奈之下李成昌同屋企人就帶媽咪到老人院，交畀專業人士照顧，從職員口中先知媽媽可能患上認知障礙，叫家人帶佢睇醫生：「當時我哋都唔太了解呢個病，有帶過媽咪去睇精神科。最過分係有朋友問媽咪係咪撞邪，叫我哋不如去睇下神婆。」
（圖片：李成昌IG）
經醫生專業判斷後，李媽媽確診認知障礙症。李成昌亦知道呢個病冇得醫，就同屋企人多啲陪伴在側，同佢傾多啲計，等媽咪重新認識幾個仔女。
撰文：羅慧怡
責任編輯：楊安莉