《愛回家之開心速遞》一眾演員一向老友鬼鬼，特別是劇中「香港島大學」的一班同學，戲裡戲外都打成一片，由於飾演George的張明偉本身是歌手一名，他對音樂的熱愛亦感染到同劇的演員，繼早前他跟金城安（周嘉洛飾)和池子孝（阮政峰飾）翻唱農夫和黃子華的《上善若水》後，今次張明偉找來《愛回家》男神吳偉豪一齊Jam歌，兩人拎住結他自彈自唱Sticky Fingers的《Cyclone》一曲。
相關新聞：《愛回家》朱凌凌撇甩情癡李莫仇轉投港姐？ 哥哥朱天梯情場浪子老貓燒鬚
(圖片：YouTube截圖)
(圖片：YouTube截圖)
(圖片：YouTube截圖)
(圖片：YouTube截圖)
歌曲有一定難度，對本身是歌手的張明偉而言當然無問題，沒想到吳偉豪的高音位都駕馭得不錯，令網友們非常驚喜。而且，吳偉豪算是首次公開自己自彈自唱的絕技，網友反應幾乎一面倒狂讚！
「多啲唱歌 估唔到兩位唱得好有味道」
「好驚喜啊！唱多D cover 啦Ricco」
「把聲好好聽」
「偉豪，你好犀利呀，期待有一日我喺現場見到你唱歌，加油」
「嘩凌凌豬好型呀」
相關新聞：《愛回家》朱展被李莫仇爆老婆係港姐季軍 網民起哄召梁小冰客串演凌凌媽
(圖片：吳偉豪IG）
(圖片：吳偉豪IG）
吳偉豪接受《晴報》電話訪問，他表示：「我自己覺得表現還好，唔太差，不過仲係有待進步，始終係第一次，要繼續畀心機，希望之後繼續有機會同張明偉一齊唱Cover，可能下次挑戰中文歌。（網友叫你出碟做歌手？）做歌手暫時未有呢個諗法，手頭上《愛回家》拍攝工作都好緊密，先專注拍劇，而歌都要好好練好佢，傍吓身都好。」
劇中「島大吳彥祖」之稱的朱凌凌有不少癡情粉絲，其中一位就是李莫仇張詩欣。(圖片：吳偉豪IG）
朱晨有三個仔，朱天梯同朱凌凌哥哥到底係邊個？(圖片：梁証嘉IG）
島大一眾演員私下都是好朋友。(圖片：吳偉豪IG）
「島大吳彥祖」朱凌凌（左）真係好有型。(圖片：吳偉豪IG）
提到近日無論是TVB的Facebook專頁，還是《愛回家》劇迷的討論區，大家都議論紛紛到底朱凌凌的大哥是誰。事關劇中朱凌凌只經常同爸爸朱展（陳嘉輝飾）和二哥朱天梯（梁証嘉飾）有對手戲，大哥和媽媽的角色只是聞其名不知其誰，吳偉豪說：「我自己都好想知大哥係邊個，一直都冇出現過，我都好想知佢幾時出現。(心水搵邊個？）吳彥祖啦，不過我知道冇乜可能。」的確，朱凌凌由於外表有型靚仔，在劇中大學有「島大吳彥祖」之稱，搵吳彥祖做大哥都不失為一個好方法，監製可以考慮嗎？
真‧吳彥祖幾時會同朱凌凌相認？（圖片：吳彥祖IG )
責任編輯：楊安莉