《愛回家之開心速遞》經常被視為「男男CP」的池子孝（阮政峰飾）和George（張明偉飾），在昨晚一集「老死兼阿四」上演兄弟呷醋的劇情，事緣George同朱凌凌（吳偉豪飾）分別經常被池子孝同金城安（周嘉洛飾）所欺負，利用他們的善意而當係「阿四」咁用，George同朱凌凌決定聯手扮感情生變，兩人自組兄弟班，搞到池子孝同金城安呷醋，最終認錯求原諒。池子孝為咗氹返George主動扮補習社的吉祥物老鼠派傳單，搞到滿頭大汗兼被撞跌，George即時心軟原諒他。不過這一幕令人想起阮政峰入行初期都曾經扮過吉祥物。
相關新聞：《愛回家》George閃分後 池美麗仍念念不忘 同圈外型格女友夾份做時裝生意
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
阮政峰入行初期工作機會不多，2011年藝員訓練班畢業後，被安排到兒童組在《放學ICU》入面扮吉祥物「蔥蔥」，由於完全密封沒有露面，他都是多年後接受訪問才公開這件事。問到昨晚一幕會否想到當年扮蔥蔥的感覺？阿峰接受《晴報》電話訪問，他表示：「拍攝期間又冇話特別諗返以前做蔥蔥嘅，但的確做過蔥蔥係有幫助囉。我冇記錯的話，因為有個位要撞牆跌落地，導演都問政峰可唔可以，有冇受傷等等…隨即有不同崗位問同事表示：『唔驚啦！佢做過蔥蔥又係功夫新星嚟架嘛』呢種信任對我嚟講都幾威威。」
(圖片：《放學ICU》電視截圖)
昨晚同晚播出的《Do姐有問題》亦由阮政峰和張明偉擔任嘉賓，原來阮政峰一向是Do姐電台節目《口水多過浪花》的粉絲，他說：「其實上到Do姐既遊戲節目已經好興奮㗎啦，不過若然能夠俾我貪心多少少，上埋「口水多過浪花」就真係成就解鎖啦。」
相關新聞：【拍拖未夠一年】池子孝咖啡師前度曬新歡拖手相 阮政峰怒刪恩愛合照 IG剩《愛回家》劇照
(圖片：阮政峰IG )
(圖片：阮政峰IG )
節目中，Do姐鄭裕玲問到大家的入行經歷，張明偉說：「實不相瞞，我人生第一次喺鏡頭前流眼淚就係Do姐做主持嘅《星夢傳奇》。」重溫張明偉所講的《星夢傳奇》是發生在2013年，當時張明偉第二集開始參賽，直至第五集唱《You raise me up》因太低分而被淘汰離場，Do姐知道他被淘汰都有加以安慰，而張明偉感謝媽媽每場到場支持時，忍不住流下男兒淚，更表示：「我係Band仔嚟嘅，希望有一日可以帶埋自己隊Band再次喺舞台上表演畀大家睇。」
(圖片：《星夢傳奇》電視截圖)
(圖片：《星夢傳奇》電視截圖)
(圖片：《星夢傳奇》電視截圖)
(圖片：《星夢傳奇》電視截圖)
張明偉2010年在外國回流香港發展，先在《今日VIP》做助理編導（PA )，慢慢走到幕前，至今已經十年時間，雖然他在TVB以拍劇為主，不過他跟自己的獨立樂隊Charming Way經常在外面都有演出，《愛回家》的兄弟姊妹們都會去捧場支持呀！
(圖片：張明偉Charming Way IG）
責任編輯：楊安莉