藝人何遠東近日在劇集《殺手》飾演表面是時裝設計師，而暗地裡卻是一名殺手經理人，角色幾搞笑及頗有發揮機會。何遠東自從入行後，肥嘟嘟的形象深入民心，但最近因為疫情的關係，如非工作他都乖乖的留在家中抗疫，早前他忽發奇想，趁這段時間減磅，希望可以令自己健康一點。而他花了一個月時間成功滅甩十多磅，成績相當理想！
相關新聞：【家人支持造就樂天性格】何遠東自問肥仔不會當主角 「每次吃苦都讓我上了一課」
{{hket:inline-image name="105973451_959042511201373_2311312404553333438_n.jpg"}}{{/hket:inline-image}}
（圖片：何遠東IG）
{{hket:inline-image name="106280812_556426778574805_8533894394320759950_n.jpg"}}{{/hket:inline-image}}
《殺手》飾演時裝設計師（圖片：何遠東IG）
《晴報》致電何遠東，談到瘦身經過，他稱「減肥」並非一下子的念頭。他表示：「始終疫情下都要搵啲嘢畀自己做，咁不如就減磅啦，其實早喺一個月之前已經開始緊，到依家算係有少少成果。」被問到減肥初期會唔會覺得好「地獄」時，何遠東表示：「咁呢個就一定㗎啦，其實做運動真係好健康。」他又講岀自己做開的幾類運動：「我有踩單車機同sit up，又上網跟教練做運動，最初只係做20分鐘，依家已經可以連續做個半鐘。」
（圖片：何遠東IG）
阿東表示除了做運動之外，就連作息時間亦比以前更穩定，而且好注重飲食，他說：「唔使開工嘅話都盡量留喺屋企，或者一個禮拜返屋企兩次探下爸爸，其實最難忍口就係見到爸爸煮嘅餸，以前我一定會清晒，會一口氣食六隻雞翼，依家只係食兩隻，真係唔敢再暴食！」
（圖片：何遠東IG）
記者笑問阿東，以前一直被人叫「肥仔」，會否擔心瘦身後不再是昔日的肥仔？他表示：「其實塊面真係瘦咗啲嘅，最主要係呢個月去咗好多水腫，瘦咗十幾磅，不過腰圍減咗一吋多，暫時都唔使再買過晒啲衫褲，最開心係依家着褲有好多位鬆鬆地，就知道今次嘅減磅真係成功。」何遠東又搞笑表示，現時囤積在家中的即食麵及薯片，暫時都要打入冷宮，他笑言：「我唔會掉，萬一屋企冇糧食，又實施禁足令，都仲有嘢咬吖！依家咪唔好望佢哋囉！」
去年9月仲係肥嘟嘟（圖片：何遠東IG）
阿東今次減磅似乎真係好有意志力，昨日他就在IG上傳一張單人照，並寫道：「工作需要明燈；減磅需要決心#我有#我有#我有#健康是福」唔少網友都留言支持佢，又表示身體健康最緊要，希望佢今次可以成功瘦身啦！
（圖片：何遠東IG）
（圖片：何遠東IG）
撰文：羅慧怡
採訪：Pauline
責任編輯：楊安莉