林芊妤（Coffee）同老公翟志榮（Weng）結婚兩年，育有可愛囝囝「翟伯伯」，一眾網友都好鍾意睇佢於IG分享家庭生活點滴。日前Coffee就應陳倩揚邀請，一齊拍Youtube，影片以「2年vs 10年婚姻｜婚後生活絕密大爆料」為題，仲算新婚嘅Coffee就提到老公婚前婚後兩個樣，判若兩人，而且有個舉動好似「爛仔」，搞到佢好激氣呀！
（圖片：Coffee ig）
（圖片：Coffee ig）
Coffee講笑咁話，剛剛認識老公嘅時候，覺得佢高大威猛、英俊瀟灑，從來唔會放屁，但結婚後情況完全唔同，而家好似「爛仔」。她説：「而家每日起碼放兩個屁，仲要每一個都係長同大聲㗎！」陳倩揚疑惑咁反問：「咁你唔放屁咩？」之後Coffee好自信咁答：「我真係唔放屁㗎，有咁多gas嘅咩？」而陳倩揚就有另一種心得，佢話：「一段細水長流嘅感情係可以容忍到放屁，先係一個神級嘅狀態。」
（圖片：影片截圖）
（圖片：影片截圖）
（圖片：影片截圖）
Coffee聽完之後都即刻喺鏡頭面前同老公示愛：「ok，老公我愛你。所以我可以容忍你每日喺我面前放屁。」
（圖片：影片截圖）
除此之外，Coffee又透露自己同老公夫妻角色似互相調轉，佢比較似男人，老公仲細心過佢。Coffee話：「驚我整死個仔咁，成日同我講『喂你小心啲』、『你細力啲』。因為我比較粗魯，老公對個仔就好溫柔、動作好慢，餵佢食飯都好慢，但我係一有機會就撬開佢個口塞飯落去，佢就會叫我溫柔啲囉 」聽到一邊嘅陳倩揚都哈哈大笑，話：「佢應該係女人，你就比較有男子氣概嘅。」
（圖片：影片截圖）
（圖片：影片截圖）
至於陳倩揚同老公陳浩然結婚10年，育有三個小朋友，佢就形容老公係「Family man」，所有活動都以家庭為中心，不過是較少二人世界，因為會唔捨得放低幾個小朋友自己係屋企。
（圖片：陳倩揚IG）
撰文：羅慧怡
每朝索取《晴報》：精明生活．健康家庭．開心娛樂