長者安居協會推智能手錶 照顧老人家需要

長者安居協會一直好關顧老人家，最新仲推出咗「一綫通智能手錶」，除咗有GPS等4重定位技術，仲有服藥提示同門診預約等服務。黛安最近同長者安居協會主席方敏生傾開，佢話呢隻錶好實用，如果長者喺街上迷路或遇上危急情況，只要長按手錶熒幕中心嘅紅點，或錶身旁嘅金色按鈕2秒，即可接通中心熱綫，中心可遙距啟動警號及通話功能，協助用家向途人求助。

方主席仲話，此手錶亦具回家、離家通知等功能，照顧者可以喺手機App知道用家嘅位置，日後仲會擴展其他功能。由於現時唔少長者都係由外傭照顧，協會亦計劃稍後開班教佢哋用呢隻錶。想了解多啲手錶嘅資料，可以上www.schsa.org.hk睇下。