【凍齡男神】馬浚偉自爆脾氣臭 對女友似軍訓 「完美馬仔」最欣賞女藝人竟然係佢?

最近馬浚偉打完羽毛球自拍留念，引來好多網民大讚他是凍齡男神：「睇唔出你幾多歲，以為你得20幾」、「這是25歲的哥呀~」、「生理年齡18歲」等，但其實他今年已經48歲！打羽毛球是馬浚偉忙裡偷閒的奢侈活動，皆因他近排工作非常忙碌，又要排練他的第3個舞台劇《男人40 CEO》，同時亦繼續為其製作及主持的節目《緣來自咖啡》進行拍攝。

{{hket:inline-image name="16.jpg"}}{{/hket:inline-image}}

(馬浚偉Facebook page圖片)

{{hket:inline-image name="17.jpg"}}{{/hket:inline-image}}

(有線電視截圖)

{{hket:inline-image name="18.jpg"}}{{/hket:inline-image}}

(馬浚偉Facebook page圖片)

馬浚偉接受傳媒訪問坦言自2012年離開TVB已失去穩定收入，但這段時間正是他所享受的自由自在生活，他解釋不是公司事事不批准，而是公司有制度。如今身為製作人，馬浚偉樣樣事都要親力親為，又要管理同事，他表示最憎人遲到，特別是睡過頭那種：「好多同事已經被我鏟到上天花，通常3次夠喇，超過3次？唔該佢另謀高就啦。」

被問到為何特別討厭同事遲到，他解釋全因為一個痛心原因：「當年我媽媽喺醫院，佢一路有病，明明好好哋，突然間隻眼一反，我哋就知佢抽筋，即刻叫醫生。睇住佢（身體）變黑，我即刻拉開佢個口，驚佢咬到自己條脷，來來往往唔夠兩分鐘，醫生即嚟打止抽筋針，一分鐘，睇住佢變番正常。」他承認自己沒有資格逼別人明白，始終很少人曾經歷生死攸關的事，但他自此深信時間寶貴。

{{hket:inline-image name="19.jpg"}}{{/hket:inline-image}}

(馬浚偉Facebook page圖片)

馬浚偉指自己工作好忙，仲有好多理想、目標，沒有時間拍拖，而且他自認工作時脾氣臭，曾被前度投訴似軍人，女生未必招架得住，所以暫時都不急於結婚，感情事隨緣，但他說只要遇到合適的人，隨意可以成家立室。他表示過往的女朋友皆是圈外人，如今覺得娛樂圈好多好女仔，故不抗拒跟女藝人拍拖。

入行以來，馬浚偉與楊怡、鍾嘉欣、陳法拉、胡定欣關係一向親密，前3個已經有終身伴侶，胡定欣就已經單身了一段時間，被傳媒問到同胡定欣關係，他笑言一直以為胡定欣有男朋友，覺得跟她在藝術交流很開心，二人曾經深夜傾心事，只是好拍檔、好朋友。講到最欣賞的女藝人，馬浚偉沒有選擇胡定欣，而是盧覓雪，他說道：「雪雪係個非常有自信嘅女仔，我好欣賞佢。」他表示最難忘是她在電影《內衣少女》其中一幕：「好驚為天人！嗰幕佢喺衣櫃出嚟，我直頭尖叫。我有同佢講，我覺得佢好靚，眼形幾靚，第二佢靚在自信，好接受自己、承認自己，佢完全知道自己就係獨一無二，有內涵。」

▼《內衣少女》中的盧覓雪

{{hket:inline-image name="15.jpg"}}{{/hket:inline-image}}

(電影截圖)

每朝索取《晴報》：精明生活．健康家庭．開心娛樂

撰文：張芷晴
責任編輯：陳小芝