現年74歲，年輕時有「御用女俠」之稱嘅甘草演員雪妮（本名熊雪妮）上月已約滿離巢，正式與無綫結束23年賓主關係。雪妮有份參演而仍未播出的TVB劇包括《唐人街》、《大步走》、《踩過界II》和《食腦喪B》，成為雪妮姐喺電視圈嘅告別作。
（東星娛樂）
雪妮老公唐佳承認老婆已經約滿，係夫婦二人決定唔再續約：「佢身體唔好，年紀大，咪休息吓，享受吓生活。」唐佳指無綫都有挽留雪妮，不過年紀大咗都冇得勉強，休息要緊。
（網上圖片）
雪妮年幼因家貧，好早就於片場打滾，1962年，未夠18歲的雪妮被仙鶴港聯影業公司看中並簽約正式出道。雪妮好快就成為60年代當紅花旦，有「甜妹妹」之稱嘅佢, 入行短短7年已經參演過四十多部電影，當中以《女黑俠木蘭花》最為人所認知，奠定佢為粵語片首席武打女星嘅地位。
（網上圖片）
不過1969年，年僅24歲嘅雪妮正值事業高峰期急流勇退，決心與當時做武師嘅唐佳結婚，並專心相夫教子。
（網上圖片）
1997年雪妮姐復出加入TVB，多數都係演出婆婆媽媽嘅角色，全部都係重要配角或與主角有對手戲嘅身份出場，並唔係普通閒角。雪妮多個角色都備受觀眾喜愛，演技入木三分嘅佢由瘋癲到貴氣嘅角色都演得游刃有餘。
（網上圖片）
（網上圖片）
2013年，雪妮在《萬千星輝頒獎典禮2013》榮獲無綫電視所頒發的「傑出演員大獎」，肯定及嘉許她在演藝圈中的貢獻及付出。
（東星娛樂）
雪妮老公唐佳不時都會被傳媒影到做「跟得老公」，對雪妮照顧有加，係行內公認的恩愛夫妻，結婚半世紀都形影不離，羨煞旁人。唐佳曾於訪問中自嘲是「阿四」，而雪妮亦指老公係佢嘅保鑣、經理人兼阿四。
（東星娛樂）
撰文：黃蘊姿