ViuTV真人騷《中佬唔易做》邀得6位資深演員袁富華、古明華、張松枝、麥長青、敖嘉年及艾威參與拍攝，昨日一集輪到艾威和袁富華上場實戰，分別「轉行」做油站服務員及茶餐廳雜工，體驗這兩份工作。
(圖片：《中佬唔易做》電視截圖)
相關新聞：【中佬唔易做】敖嘉年揸綿羊仔送外賣遇挑戰 日曬雨淋頻頻撞板嘆搵食艱難
艾威前往見工時，竟然隨身帶著書，笑稱自己有空時可以看。不過上司告訴他不會有時間看，首先教他學如何使用滅火筒及上貨技巧等。他的工作不單止是入油，還要替客入吸塵、打蠟等。艾威更笑言自己的工作性質比其他人舒服︰「可能大家敬老啦，拍咗三日，我主要負責賣嘢，所以最舒服係我，係一個幾有趣嘅體驗。」
(圖片：《中佬唔易做》電視截圖)
(圖片：《中佬唔易做》電視截圖)
(圖片：《中佬唔易做》ViuTV提供)
(圖片：《中佬唔易做》ViuTV提供)
相關新聞：【中佬唔易做】張松枝信心爆棚見工囂過面試官 麥包搵工靠朋友上堂竟然瞌眼瞓
現年61歲的艾威，19歲入行做演員至現在。他曾效力TVB 34年，拍過無數電視劇。直到2013年，艾威決定離開無綫，轉投王維基的港視，但卻不獲發牌。艾威表示當年港視不獲發牌對他而言是一個艱難時期，幸好有人關照：「其實當時我哋準備工夫非常充足。之後無幾耐就有電影邀約，真係有人關照。」在這幾年間艾威跳出comfort zone，有不少新嘗試，如做過電影男主角，甚至北上登台搵真銀等。
(圖片：《中佬唔易做》電視截圖)
艾威自言61歲算是老年人，但他指之前從未想過自己中年時會怎樣。「其實咁多年都冇具體諗我中年嘅時候會點，因為永遠都唔知仲會唔會有錢，而家反而驚會唔會好窮。」
(圖片：《中佬唔易做》電視截圖)
昨日艾威到電台宣傳《中佬唔易做》，可見他明顯消瘦不少。原來他近日嘗試劉嘉玲推介給他的蒟蒻減肥法︰「我早餐食雞蛋麥皮，午餐就最豐富，夜晚淨係食蒟蒻飲紅酒，試咗一排個肚腩真係細咗。」
(圖片：艾威IG)
他又透露近日正在拍攝健康飲食廣告，他說︰「係一個為期十日嘅地中海食譜，佢哋會上門煮畀我食，我本身血壓高，佢哋話餐單好啱有『三高』嘅人。」
相關新聞：【中佬再出發】古明華敖嘉年環境改變不了初心 「時間會帶你渡過所有難關」
撰文：林惠珊
責任編輯：楊安莉