湯洛雯、馬國明這段「明湯戀」自曝光後隨即成為網上熱話，雙方形象健康、陽光、少緋聞，而且他們都話以結婚為大前提，好多網民都期待他們能開花結果。
(TVB電視截圖)
他們表示已見過雙方家長，湯洛雯爸爸湯鎮宗讚馬國明為人踏實有禮，似乎睇好他做未來女婿，湯洛雯細妹湯樂瑤都在社交平台恭賀：「好開心我個終極宅女家姐終於出pool！」仲細心叮嚀未來姐夫：「麻煩馬國明好好照顧，好好錫佢，大家互相珍惜好好相處啦！」
見到湯樂瑤叫馬國明好好照顧自己，湯洛雯接受訪問表示：「佢講笑啫！佢（妹妹）驚我蝦佢（馬國明）多啲。」她又指：「依家套劇就嚟拍完《一笑渡凡間》，之前連續幾日外景曬得太辛苦，依家一拍完就想瞓覺。」被問到拍完劇會否同馬國明拍拖，她說：「都仲開緊劇嘅，夾吓時間，會正常情侶出去食飯。」
(湯樂瑤instagram圖片)
(湯樂瑤instagram圖片)
湯樂瑤Cassandre現年22歲，高考得到4A1B，就讀香港中文大學法律系。中大法律系在2018年泰晤士高等教育世界大學排名中排名第27，是本地學生最熱門選修科目之一。由於學額少，本地學位競爭激烈，收生要求嚴格，所以一直被坊間稱為「神科」，故能夠考入法律系，大部分都是高才生。畢業生讀完法律學位和法學專業證書課程（PCLL）後，於小型律師樓見習律師起薪點可達約$20,000多，於大型跨國律師行甚至有$30,000至$40,000，完成兩年實習期後，表現良好便可以律師身份執業。
湯樂瑤樣靚身材正，著衫走性感風格，成日上載著比堅尼的靚相上社交平台，大派福利，吸納了5萬多名粉絲，還成為「藍剔」認證的公眾人物。好多網民都話期待她同於名校倫敦大學學院心理學系畢業的家姐湯洛雯一樣，加入娛樂圈做藝人。可惜湯樂瑤表明無意跟隨家姐步伐入行或選香港小姐，未知是否會當上律師，而湯洛雯都指細妹暫時只有意做KOL而已。
(湯樂瑤instagram圖片)
(湯樂瑤instagram圖片)
湯樂瑤同湯洛雯一樣玩得，兩姊妹試過於社交平台公開「開火」。她們曾到馬爾代夫旅行，邊玩邊上載泳照。湯洛雯見到湯樂瑤大曬事業線，即時留言「反白眼」表情。當湯樂瑤上載遮臉相，寫道:「同陽光玩遊戲。」湯洛雯又笑她好老套，湯樂瑤不甘示弱，抄足湯洛雯段文字，寫上「星期六乜都唔做最嘆」，再上載多張性感泳衣照，搞到湯洛雯大叫「我冇貨」。最後兩姊妹共同說一句《食神》的經典對白：「爭咩吖爭，溝埋一齊做瀨尿牛丸吖笨！」睇得出她們互寸背後感情好好。
(湯樂瑤、湯洛雯instagram圖片)
{{hket:inline-image name="12.jpg"}}{{/hket:inline-image}}
(湯樂瑤instagram圖片)
{{hket:inline-image name="13.jpg"}}{{/hket:inline-image}}
(湯洛雯instagram圖片)
另外湯樂瑤為人相當親切，早前她曾經於IG動態逐一回答網民問題，家庭、感情、學歷、身材、keep fit方法都一一分享。當中有網民問起露骨問題或者對她無禮，她都能夠以高EQ回答，好有智慧！
(湯樂瑤instagram圖片)
(湯樂瑤instagram圖片)
(湯樂瑤instagram圖片)
(湯樂瑤instagram圖片)
(湯樂瑤instagram圖片)
(湯樂瑤instagram圖片)
撰文：張芷晴
責任編輯：楊安莉