馬國明和湯洛雯公開戀情，全城恭賀，不過有網友留意到同馬國明傳緋聞傳足十年有多嘅唐詩詠沒有表態，除了沒有like馬明的認愛post之餘，反而上載一張觀音像的照片，並留言說：「一切都是因緣和合。所以，善護你的每一個心念，憤（慎）重每一次言行。」即時被質疑是否感到心酸或者呷醋？隨後唐詩詠再回應說：「想講吓人生，講吓佛，會變成另一件事。你哋編出來嘅故事，又會變成我嘅故事？！我可以不計較，但你們也不能理所當然。」
相關新聞：【《白色強人》掃獎】馬國明孖住唐詩詠封視帝視后 由低做起捱20年終於唔使陪跑？
(圖片：馬國明IG )
(圖片：湯洛雯IG )
(圖片：唐詩詠IG截圖)
(圖片：唐詩詠IG截圖)
唐詩詠今日到電視城為《超能使者》開工，一身便服打扮的她神態輕鬆。當傳媒追問她有關馬明的新戀情時，詩詠說：「點會留意唔到？其實個幾月前已經估到，因為佢冇避忌，我又收到各方消息，不過我冇問亦冇踢爆佢，希望畀個空間佢哋發展，等佢再親口同我哋講。（講咗未？）佢呀？哈哈，我哋太了解呢個二佬，佢從來都唔講，佢只係用咗Emoji（表情符號）同埋一句『多謝』交代。其實係開心事，林子善會嬲係因為大家都好想佢同我哋講呢個好消息。」唐詩詠跟馬國明的友情源於2009年，兩人跟鄭嘉穎、林子善和黃嘉樂拍攝《鐵馬尋橋》而成為好朋友，大家更結義成為兄弟妹，感情要好。
相關新聞：【安心偷食後同黃心穎分手】馬國明被爆上湯洛雯香閨短聚 IG齊齊甫相極速公開承認戀情
(圖片：《晴報》林良明攝影)
(圖片：《晴報》Pauline攝影)
提到網友指詩詠沒有向馬明認愛Post畀Like，詩詠解釋：「我發現大家都被社交媒體影響個思維，鄭嘉穎開IG 兩年我都冇乜點讚，黃翠如啲Post我都唔係成日睇，IG入面7成人都係零互動，一個點讚代表啲咩呢？咁開心嘅事上面，大家唔好無風起浪，亦唔好用社交媒體去斷定人嘅關係，太膚淺！我哋友誼唔使加裂紋上去，太幼稚！大家將焦點放喺佢兩個身上啦，祝福佢哋，我最開心，因為今年太多喜事，子善BB出世，大佬（鄭嘉穎）又多咗個BB，等咗好耐，馬明終於拍拖，依家梗係等嘉樂啦！」
(圖片：林子善 IG）
（圖片：《白色強人》電視截圖）
對於跟馬國明緋聞傳足十年有多，特別是播出《白色強人》時兩人都單身，不少網友都狂推二人拍拖，問到如今有沒有「甩難」的感覺？詩詠笑言：「做兄弟冇所謂啦，講咗咁多年，佢應該補償返畀我，請我食飯，煲啲靚湯嚟請我哋飲，我相信會約食飯嘅，不過唔係應該佢約我哋咩？」
對於呢位「阿嫂」的評價，詩詠說：「有一次活動接觸過，大家都係金牛座，話題好多，印象中呢個女仔好直率，咩都可以傾，亳無保留。最緊要係馬明鍾意同開心。」
（圖片：《晴報》林良明攝影）
採訪：Pauline
責任編輯：楊安莉