馬國明和湯洛雯自從公開承認拍拖之後，圈中好友和粉絲們的恭賀說話，完全瘋狂洗版。馬明昨日為《BB大晒》開工時大方接受訪問，大讚女友靚湯夠簡單貼地，大家性格相近，自自然然就走埋一齊。而靚湯的父母對馬明讚口不絕，大讚他有禮、乖巧，媽媽更畀馬明滿分。靚湯凌晨上載照片說：「獨角和小馬跟大家說：大家全部窩心的祝福我們全收了，我們會懷著感恩珍惜的心一直走下去。」
相關新聞：【湯鎮宗讚滿分】馬國明熱爆郊野開工仲笑笑口 訪問自爆最愛湯洛雯呢一點
（圖片：無綫娛樂新聞台Facebook影片截圖)
(圖片：湯洛雯IG）
（圖片：湯洛雯ＩＧ)
粉絲為兩人繪畫卡通肖像，非常可愛甜蜜。（圖片：湯洛雯ＩＧ)
今日湯洛雯為《一笑渡凡間》開工，她全程笑容滿面如沐春風，似乎蜜運中的女人真的特別幸福。靚湯笑笑口不肯透露兩人在一起的確實日子，只是剛好聊天後，感覺大家可以發展，後來見穩定就帶回家見雙方家長。提到父母對馬明評價超級好，靚湯說：「好誇張囉，佢（馬明）對我屋企人係好好，所以都值一百分，但夾硬話要減少少嘅話，就98分，畀2分佢再做得好少少。」
(圖片：無綫娛樂新聞台Facebook影片截圖)
(圖片：無綫娛樂新聞台Facebook影片截圖)
（圖片：東星娛樂）
（圖片：湯洛雯ＩＧ)
靚湯直言自己單身兩年，期間都有追求者，不過不太夾，她大讚馬明五大優點，孝順、冷靜、成熟、穩重和善良，靚湯說：「佢同我都好錫父母，有共同話題，三觀又好似，我同佢都好『佛系』又好宅，佢好善良，我最鍾意...」她直言自己是傻大姐但「老襯底」，有馬明在身邊就得到很大的安全感。問到是否以結婚為前提交往？她說：「好似普通情侶咁傾吓將來囉，唔會好認真咁討論，兩個人都係朝住呢個方向諗。我自己都想一生一世，唔知佢係咪咁諗。(父母當正未來女婿？)我冇咁問，唔好講住，容乜易以為我一定會...咁我咪冇矜持？哈哈！」
相關新聞：【熱戀湯洛雯】馬國明認愛後春風滿面開工 女友已見家長：「媽咪幾鍾意」
對於馬明的前度剛巧是好姊妹黃心穎，不少網友都笑她接收心穎的劇之餘，又接收她的男友，對於心穎都有隔空祝福，靚湯說：「多謝佢有祝福，自從佢舊年去咗美國之後，我哋都冇聯絡，唔太了解佢依家近況。（怕人講閒話？）其實係緣份，我哋唔係計劃，大家都冇咁樣諗過，（怕將來見面尷尬？）唔諗住，都未發生。」
（圖片：東星娛樂）
責任編輯：楊安莉