馬國明跟湯洛雯公開戀情之後，外界反應幾乎都一致讚好，馬明較早前接受傳媒訪問時揚言早已見過雙方家長，感情穩定發展，非常甜蜜。後來他繼續到元朗郊外拍攝《BB大晒》外景，雖然打風天氣又熱又侷，但馬明的照片一樣笑容滿面，蜜運中的他心情實在太好，他接受無綫娛樂新聞台訪問，他表示兩人已經拍拖一段短時間，正在發展中。馬國明說：「佢幾得意，好簡單，我鍾意佢簡單，識佢嘅朋友都知，佢唔追求好多嘢，食碗魚蛋粉就已經好開心。呢一點同我幾似，大家都知我冇乜所謂，都幾貼地，簡單最舒服。」
相關新聞：【熱戀湯洛雯】馬國明認愛後春風滿面開工 女友已見家長：「媽咪幾鍾意」
(圖片：無綫娛樂新聞台Facebook）
（圖片：吳岱融Facebook )
（圖片：吳岱融Facebook )
(圖片：湯洛雯IG）
馬明揚言媽咪見過湯洛雯，而且都幾鍾意這位女朋友，他說：「我媽咪好簡單，只要我鍾意就可以。」不過，湯洛雯暫時未公開露面，未知靚湯的父母又對馬明有如何的評價呢？湯洛雯的爸爸湯鎮忠接受傳媒訪問，他對馬明讚不絕口，更祝福一對小情人。湯爸爸對馬明印象很好，大讚他非常踏實，對任何人都有禮貌，不過唯一一個缺點是他認為馬明太低調，他認為有實力的人不需要太低調。
(圖片：湯洛雯IG）
(圖片：湯洛雯IG）
湯媽媽畀馬明一百分，更希望將會有機會超越滿分，她表示跟馬明食過一次飯，他來家人打邊爐，湯媽媽讚馬明乖仔，希望下次有機會試試馬明的手勢，希望兩人可以開花結果，仲話好放心將個女交畀佢。
相關新聞：【陳敏之催婚】馬國明湯洛雯大方認愛獲網友祝福 舊愛黃心穎回應話...
(圖片：湯洛雯IG）
馬明同靚湯今次公開戀情成為娛樂圈的震撼彈，不少圈中人感到又驚又喜，馬明跟《鐵馬尋橋》劇中的演員稱兄道弟，不過林子善對戀情完全不知情，他稍為微言表示：「睇到新聞後，黃嘉樂在電話群組問『有冇人有發表？』但二哥冇反應。有冇搞錯呀？自己兄弟都不知，又不講，算啦，識他10幾年，他一向是這樣，甚麼都不講。我覺得兄弟拍拖可以講聲，不用交代跟誰拍，等我們有心理準備。」
（圖片：東星娛樂）
（圖片：東星娛樂）
而同樣地，靚湯的好姊妹岑杏賢同樣是新聞出街才知道消息，但她沒有生氣，她說：「靚湯之前話有嘢想同大家講，但係佢一直都好忙，未有時間，我估就係呢件事。佢單身咗一段時間，亦一直想搵另外一半。馬明公認筍盤，靚湯亦如其名，完美組合，好戥佢哋開心。」
（圖片：東星娛樂）
責任編輯：楊安莉