馬國明和湯洛雯戀情曝光後火速在社交平台公開認愛，兩人甜到漏的消息一傳開，四方八面而來的恭賀留言灌入，大家都替這對戀人高興。馬國明今早開車到電視城開工，準備出外景拍攝劇集《BB大晒》，當見到守候他的傳媒時，即時笑晒口如沐春風，沐浴愛河的人寧舍不同。
相關新聞：【陳敏之催婚】馬國明湯洛雯大方認愛獲網友祝福 舊愛黃心穎回應話...
(圖片：東星娛樂)
(圖片：容羨媛IG）
(圖片：馬國明IG）
（圖片：湯洛雯IG）
馬明大方接受傳媒訪問，提到同步認愛的公仔照片，他表示：「係佢（女友靚湯）整嘅，佢好鍾意獨角獸，咁小馬大家都明啦！張相其實影咗好耐，我哋有共識，如果畀人影到就會公開講。」他笑言如果突然自爆公開，感覺怪怪的，所以跟靚湯商量過，如果被拍到就會公開關係，問到拍拖幾耐？馬明說：「有一段時間，其實2016年拍完《心理追兇》之後，大家都唔係好多聯絡，直至最近，好自然咁傾開偈，大家幾啱傾，可以發展一吓。我哋冇避忌呀，成日喺公司食飯，大家都開緊工但喺隔離廠。如果心水清嘅人會覺得好奇怪，大家都放低自己嘅劇組，我哋兩個人一齊食飯，不過無咩人問，我哋咪繼續囉，從來冇避忌。」
相關新聞：【安心偷食後同黃心穎分手】馬國明被爆上湯洛雯香閨短聚 IG齊齊甫相極速公開承認戀情
（圖片：湯洛雯 IG）
馬明認為兩人都思想成熟，感情穩定才會有這個共識，問到會否視靚湯為結婚對象？馬明直言自己年紀不小，他說：「其實我每一次都係諗下一步，我唔係拍散拖嘅人，我唔會為拍拖而拍拖，唔會搵個人嚟消磨時間。將來睇下點啦，當然將來大家都唔知，但暫時覺得大家可以開展嘅對象。」他表示自己見過靚湯的父母，而他亦有帶靚湯回家食飯，談到媽媽如何看待這位「未來新抱」？馬明說：「帶過佢返屋企食飯，媽媽都幾鍾意佢。」
對於舊愛黃心穎通過傳媒送上祝福，馬明表示感謝，亦說：「希望佢快啲搵到另一半，開開心心。」而靚湯的前度是羅天宇，剛巧《降魔的2.0》入面，馬國明飾演的馬季被指是羅天宇飾演的天宇的轉世，不少網友即時狂Post劇照「贈慶」，認真搞笑。
（圖片：黃心穎IG)
(圖片：網上圖片)
責任編輯：楊安莉