近日TVB於深夜重播《天涯俠醫》，郭羨妮於劇中飾演凌霄醫院的護士康喬，與王甫芬（張家輝飾演）及賀正（連凱飾演）有感情線，當時她外表好有仙氣，引來網民於討論區大讚。
(TVB.com圖片)
(TVB.com圖片)
(TVB.com圖片)
劇集2004年首播，距今已經有16年時間，演員們都有不同的轉變。郭羡妮都已經榮升人妻，而囡囡都已經8歲，當上媽咪之後，郭羨妮將生活的重心都放在家庭上面，拍劇都貴精不貴多，事關她視寶貝女是心肝椗，每每都考慮女兒的生活為先，所以郭羨妮的社交平台不時見到女兒的照片，8歲的Kylie遺傳到媽媽的良好基因，擁有美人胚子，好多網友都大讚她的囡囡可愛。Kylie非常乖巧，不時會為媽媽按摩、送禮物，她又會在囡囡心口上撒嬌，可見兩母女感情好好。其實她們感情深厚並非一朝一夕，郭羨妮曾經為了囡囡辛苦到狂食增肥，又試過3日3夜不能睡覺!
(郭羨妮instagram截圖)
{{hket:inline-image name="18.jpg"}}{{/hket:inline-image}}
(郭羨妮instagram截圖)
{{hket:inline-image name="20.jpg"}}{{/hket:inline-image}}
(郭羨妮instagram截圖)
{{hket:inline-image name="19.jpg"}}{{/hket:inline-image}}
(郭羨妮instagram截圖)
郭羨妮曾在訪問中憶述當年懷孕日子，她指自己本來在大陸拍劇，拍攝結束後她食量大增，一餐能食3碗飯，嚇到媽媽叫她停口，以免變肥，但她反而覺得媽媽不讓她食飯很過分，她笑言：「佢係咪後母嚟㗎，唔畀我食飯。」後來郭羨妮照超聲波，被醫生告知檢查報告見到胎兒不長肉，叫她多吃營養食品，胎兒才會有營養成長，聽到她很擔心，她說：「即刻食到抖唔到氣，個肚脹到上心口。」
分娩完，郭羨妮初為人母，完全沒有經驗，又怕家中有外人沒有請陪月員，只有媽媽同老公朱少杰照顧她。後來老公要到大陸工作，而媽媽不懂得如何幫她，令她每次聽到囡囡喊都好擔心，擔心到3日3夜沒有睡過，一度崩潰：「搞到我差唔多崩潰，一定有啲產後抑鬱。」之後郭羨妮同媽媽輪班制照顧囡囡，終有覺好瞓。她坦言初初產後沒有工作，要每日對住個女不能走開，自己不自覺變得煩躁，她說：「我唔係一個咁好嘅媽咪。」直到有段時間她到大陸做跨年演出，不見囡囡多天，她一同囡囡視訊，即喊到豬頭一樣。
(郭羨妮instagram截圖)
不過解決完照顧囡囡的問題，仲有修身難關。郭羨妮生完BB，體重仍高達148磅，她當時連續3個月食得好清淡，不食碳水化合物，又開始飲蔬菜汁，終極速減至110磅。
(郭羨妮instagram截圖)
▼蔬菜汁
(電視截圖)
近年老公於大陸的發展愈來愈好，令郭羨妮可專心湊女。如今她低調過着幸福媽媽的生活，年屆45歲樣子仍廿年如一日，不愧為1999年香港小姐冠軍及最上鏡小姐。她曾分享過凍齡秘訣，原來她早在剛入行已會勤於用保養產品，以及會肌膚做好緊緻抗皺護理。見她平時常應慈善團體之邀，樂做善事，仲教囡囡捐出利是錢，難怪由內靚到外。
(郭羨妮instagram截圖)
撰文：張芷晴
責任編輯：楊安莉