娛樂圈入面，有啲藝人就算無近視都好，都因唔同原因，反而戴上眼鏡示人。久而久之，佢哋除咗眼鏡可能令有啲人會睇唔慣！
陳啟泰戴眼鏡戴上癮？
陳啟泰在2001年主持亞視遊戲節目《百萬富翁》，主持形象深入民心。不但大家都記得他戴眼鏡，著西裝的造型，而且更為他提高了在內地的知名度。不過其後他接受訪問時表示，「初入行在《香港早晨》試鏡時，監製提議我戴眼鏡比較斯文。做主持形象要和善才戴眼鏡。」雖然他之後曾想擺脫這個形象，但他直言自己會不習慣，「眼鏡已陪伴自己20多年」。
(圖片：影片截圖)
(圖片：陳啟泰facebook)
(圖片：陳啟泰facebook)
(圖片：《Plan B》劇照)
相關新聞：《百萬富翁》陳啟泰做金牌司儀致富？ 十幾年造型如一原來暗藏秘密
蘇永康因梅姐戴眼鏡
蘇永康常以眼鏡造型示人，但其實蘇永康本身冇近視，他曾在訪問中透露因為前輩梅艷芳講嘅一句話：「你戴眼鏡冇咁樣衰喎！」從此他就開始戴眼鏡，並多謝師姐的指點。
（圖片：東星娛樂）
安德尊戴眼鏡被傳因風水？
安德尊入行多年，戴眼鏡着西裝形象深入民心。有傳言指他其實沒有近視，戴眼鏡只因風水使然。安德尊於曾於電台節目中澄清：「我有400度近視。當時入行是80年代尾，嗰年代鏡片好厚又反光，以前燈好熱又會直射落鏡片度。個時新仔入行同伍衛國合作拍電視劇，燈光師話咁反光點打燈，有位前輩演員話冇戴鏡片咪得，覺得個諗法好聰明。自此之後以後就戴住個眼鏡框，佢哋唔使就我打燈。因為我近視，唔可以畀人知道我無近視，我戴隱形眼鏡係我嘅事。」
（圖片：東星娛樂）
相關新聞：【大王解密】安德尊親解「廚師天敵」傳言 歌手出身無悔入行不計較酬勞
林俊其戴眼鏡防撞樣
演員林俊其一向被指似足王浩信，在劇集《踩過界II》中林俊其與男主角王浩信同劇，為了分辨兩人，林俊其角色要戴眼鏡。當時他接受《晴報》訪問時表示：「身邊都有好多人講過我似王浩信，其實我都唔太敢當，唔算太似，不過工作人員就覺得望落去太似，所以我嘅角色要戴返眼鏡，分辨番兩個人。」
呢個係林俊其。(圖片：《晴報》圖片)
王浩信（圖片：東星娛樂）
相關新聞：《踩過界II》林俊其同港姐冠軍陳曉華傳緋聞 太似王浩信新劇靠一招免撞樣
林峯為角色全劇戴眼鏡
16年前的劇集《天涯俠醫》被觀眾封為TVB神劇之一，最近在深夜重播，又再掀起話題。事關角色陣容方面除了有林峯、唐寧和郭羨妮等，還有影帝張家輝。而主角之一、當年24歲的林峯飾演醫生，冇近視嘅佢為咗睇上來較成熟穩重而全劇戴眼鏡。
（圖片：《天涯俠醫》電視截圖）
撰文：林惠珊
責任編輯：楊安莉