快將51歲的唐文龍近日因疫情關係減少工作，除了領取演藝人協會的9,000元援助之外，這段「空窗期」他跟朋友決定不定期開IG直播，跟粉絲聊天互動，打發時間。昨晚唐文龍特別邀請到圈中好友彭皓鋒擔任嘉賓，齊齊傾偈，兩人大談初初北上發展時遇到不少困難，語言能力或者生活文化都有所不同，彭皓鋒更被內地演員嘲笑過，不過都已成過去，兩人發展愈來愈好，得到不少的工作機會。唐文龍笑稱自己由美國回流返港，總是扮演斯斯文文的男生，但永遠都追不到女主角，總是敗給男主角，心有不甘。
相關新聞：唐文龍暗塞2萬入奶粉借劉永健 環保先鋒上山下海執垃圾
(圖片：東星娛樂)
(圖片：唐文龍IG）
（圖片：唐文龍IG截圖)
唐文龍和彭皓鋒愈傾愈開心，不過粉絲的焦點往往都落在文龍的感情生活上面，不少粉絲都追問文龍幾時搵女友？文龍說：「遲少少先提啦，依家經濟唔好，梗係搵多啲錢先，我有識女仔，有約佢哋出吓街咁樣，不過依家唔講呢樣住...」文龍正想叉開話題，不過已婚兼育有三子女的彭皓鋒卻窮追猛打，更在直播前為文龍徵婚，呼籲大家將電話私訊給文龍，說不定總有一日會收到文龍的來電。
（圖片：唐文龍IG截圖)
不過，當彭皓鋒爆料指劉永健都在場，只是在鏡頭之外，雖然劉永健揚言不願意入鏡，但彭皓鋒都一度將鏡頭轉向對方，讓他向網友打聲招呼。網友們紛紛留言追問唐文龍跟劉永健傳足多年的同性緋聞，文龍再一次耐心回應說：「其實我爸爸舊年過咗身，早三年前我同爸爸喺圓方行街都有被雜誌拍到，話我同男士行商場，唔知做咩呢咁...？其實傳媒對我咁愛戴，唔係話我鍾意溝女就話我HEHE（同性戀）...」
相關新聞：【環保超人】唐文龍沙灘執垃圾曾被嘲傻仔 與十億富家女緋聞告吹繼續單身
（圖片：唐文龍IG截圖)
（圖片：唐文龍IG截圖)
旁邊的好友指唐文龍太耐冇女朋友，才容易令人誤會他改變性向，唐文龍說：「其實我依家有女朋友嘅！」其實文龍入行多年都鮮有緋聞，由於跟劉永健相識於微時，兩人老友鬼鬼，經常約食飯聚會，不過不時被傳媒偷拍到二人聚會的合照，從而傳出「HEHE」的同性緋聞。劉永健曾經在的ViuTV節目中，不避嫌邀請文龍做嘉賓，劉永健直言感激文龍當年救助之恩，事關有一段時間他陷入經濟困難，文龍想幫對方又怕對方難堪，將兩萬元放入健身奶粉入面，助他解決燃眉之急，這一次雪中送炭，令兩人的兄弟情愈來愈深。
（圖片：資料圖片）
其實除了劉永健之外，唐文龍早前都曾經跟無綫女藝人黃文意傳出緋聞，可惜感情「見光死」，被報道之後就火速「斬纜」，而黃文意亦另結新歡。今次唐文龍公開認蜜運中，不少粉絲都替他開心，連忙留言祝福他。
（圖片：黃文意IG)
責任編輯：楊安莉