宏利「學無紙境」計劃 捐400部新iPad贈基層學童

學校因為疫情而停課幾個月，紛紛改為網上教學，但唔係每個家庭都有能力負擔購買電子學習工具。黛安知道宏利香港就透過「學無紙境」助學計劃，喺今年5月已向13間本地小學捐出400部全新iPad畀基層學童，為佢哋提供更理想嘅電子學習機會。

電子學習係大趨勢，宏利今年2月同聖雅各福群會攜手推出「學無紙境」助學計劃，只要達15,000名宏利強積金成員登記選用電子結單及電子通知服務，宏利會向該會建議嘅本地小學捐贈400部全新iPad。宏利義工最近親身將iPad送到受惠學童手上，參與計劃嘅中華基督教會全完第一小學四年級生陳梓峰家長話，好感謝熱心企業嘅捐贈。