佘詩曼（阿佘）昨日（28日）45歲生日，佢於IG上傳出一張索爆單人靚相，留言表示：「Officially 45. Forever 18.(正式45歲.永遠18歲)」縱然單身，阿佘亦不愁寂寞，圈中人緣甚廣嘅佢，獲密友周家蔚邀請到家中開生日派對慶祝。周家蔚除貼心準備生日蛋糕外，7歲嘅洪大仁同5歲嘅洪竟琋兩個契仔又齊齊向壽星女獻吻，兩位小暖男氹得阿佘開心大笑，場面溫馨！
（圖片：佘詩曼IG）
周家蔚其後都上載咗生日派對嘅相同短片贈興，又代兩個仔留言祝福契媽：「Happy Birthday Kai Ma（契媽）!! I love you I miss you I kiss you... Baby...」阿佘亦火速回應：「Thxxxx Miss u all.」
佘詩曼同周家蔚係圈中好姊妹（圖片：周家蔚IG）
（圖片：周家蔚IG）
唔少圈中好友都留言祝賀阿佘生日快樂，好友方力申就表示「生日快樂。又靚又正，愛心爆棚嘅阿佘，你值得擁有最好的一切。」而高海寧就形容阿佘係女神；劉佩玥則大讚對方「Beautiful and sweet!」
大契仔洪大仁錫錫契媽（圖片：周家蔚IG）
之後到細契仔（圖片：周家蔚IG）
氹到阿佘勁開心（圖片：周家蔚IG）
阿佘於圈中出名是凍齡女神，就算45歲皮膚都保持水嫩，身形似足少女一樣纖瘦，當大家似為佢好努力做運動keep fit，咁就錯啦！阿佘近日上大陸綜藝節目《看我的生活》，展現日常生活的一面，喺短短6個鐘內食咗四餐，下午5點食完一大包零食，7點食龍蝦大餐，轉過頭9點又食碗湯麵，臨瞓之前仲要食宵夜。
相關新聞：【娛樂圈「樓后」】佘詩曼邀歐陽震華作客閨房曝光 手握多個磚頭逾半億相連獨立屋
{{hket:inline-image name="54.jpg"}}{{/hket:inline-image}}
阿佘平日6個鐘內入面食足四餐（圖片：《看我的生活》影片截圖）
{{hket:inline-image name="32.jpg"}}{{/hket:inline-image}}
零食密密食（圖片：《看我的生活》影片截圖）
{{hket:inline-image name="eew.jpg"}}{{/hket:inline-image}}
豪食龍蝦（圖片：《看我的生活》影片截圖）
{{hket:inline-image name="tew.jpg"}}{{/hket:inline-image}}
之後再食宵夜！（圖片：《看我的生活》影片截圖）
主持見到阿佘短短6個中食足四餐，仲要唔識肥，都好驚訝。女主持問到唔少女藝人減肥，下午5點之後就唔會再進食，阿佘就話：「我胃很小，我少吃多餐，每天要吃五六餐。我很少做運動。」對於自己的好身材，阿佘自信咁話：「哎呀天生的。」
阿佘天生唔易肥（圖片：佘詩曼IG）
撰文：羅慧怡
責任編輯：楊安莉