【被毒舌詛咒】網民惡意留言「林峯最愛吳千語」張馨月:不要迫我說出7愛真相

發佈時間: 2020/05/26

舊年林峯同內地女模張馨月結婚，正式成為峯嫂後頻傳有喜，二人愛得甜蜜。不過未知部分粉絲係咪未接受到偶像封盤嘅事實，即使張馨月愛得低調，仍對佢非常不滿，仲公然向張馨月挑戰，惡意咒罵佢之餘仲將佢同林峯嘅舊愛吳千語相比。張馨月亦冇啞忍，平日好少覆留言嘅佢逐個還撃，仲好有火藥味添呀！

（東星娛樂）

有網民口出惡言，喺張馨月嘅IG Story咒罵張馨月「死全家」，又詛咒傳咗懷孕多時嘅佢，「小心睇路」、「做咗咁多衰嘢天有眼」，張馨月即嬲爆：「看你全家有沒有那個命等到了！」

（張馨月IG）

另外，有網民指佢喜歡模仿吳千語，張馨月回應：「請問我吃飯學的誰？你們這些人煩不煩？你上網打字學的誰？還有，我不會去關注我不感興趣的人、事、物，我主頁寫着閒人勿擾你看不見嗎？」張馨月更寫「某人的粉絲」，即暗示對方係吳千語嘅粉絲，希望他們自重。

（吳千語IG）

（張馨月IG）

又有網民重提林峯曾向吳千語發表「七愛宣言」，認為林峯最愛嘅係吳千語，張馨月就指「七愛宣言」背後有「真相」，唔係大家睇落咁簡單：「每個人都有優點，愛肯定愛過啊，我又不介意，但是求求你們不要迫我說出七愛真相，我會爛在肚子裏的。（我說了，我知道的事不少，我不說而已。）」

（東星娛樂）

（張馨月IG）

張馨月又指自己比呢班網民了解林峯：「我覺得每段感情只要在一起過，絕對有過愛的，有吸引對方的點，但是能不能長久那就得看之後的相處了，包括對那個人的了解，合不合適現在不就是答案了嗎？」

（張馨月IG）

有網民留言指，不知道林峯是不是到了適婚年齡才去結婚，認為「他上一段的感情，錯的時間遇見對的人。」張馨月則代表林峯發言：「那我可以很明顯的告訴你，不是，你的兩個問題都不是，他從來沒這麼覺得過。」

張馨月完全融入林峯嘅生活。（網上圖片）

（張馨月IG）

對於被指其洋名Carina，同吳千語嘅洋名Karen很似，被網民認為係「吳千語替代品」，張馨月話係巧合，亦唔會因此而改名，更叫對方唔好活喺幻想中。

（網上圖片）

不過都有唔少人撐佢，叫佢唔使理其他人點睇。（張馨月IG）

最後，張馨月發長文，說她和林峯只想過自己的生活、做好自己的工作，指林峯一直對得起家人及粉絲：「他對工作很努力，每天收工回到酒店和我視頻，身上都會帶有新傷，只有我知道他的不容易，我心疼他，但是他都會笑着說：『沒事的，小傷，你不覺得這樣老公更男人嘛？』」

（林峯微博）

（張馨月IG）

撰文：黃蘊姿

最新文章