出名「Package好」、含住金鎖匙出世嘅城中筍盤劉鳴煒03年已經承繼媽咪寶詠琴大約四億遺產，加上近年當了華置主席，持股近25%，估計身家達三百億。
（東星娛樂）
不過生活上劉鳴煒同父親劉鑾雄(大劉)嘅奢華作風大不同。劉鳴煒曾喺訪問中透露，自細都唔喜歡去父親嘅御用飯堂，出入亦唔會有保鏢跟身，衣着打扮樸實，甚至第一任妻子Wendy零八年生龍鳳胎，都係喺公立醫院分娩。
（東星娛樂）
不過現年39歲嘅劉鳴煒就似足大劉咁風流，情史仲厚過電話簿。劉鳴煒前妻Wendy，是他英國大學同學。08年為他誕下一對龍鳳胎，但10年就分開了，現在仔女主要由Wendy照顧，劉鳴煒假期先至陪他們。
（劉鳴煒IG）
之後離婚唔夠半年劉鳴煒已有新歡，12年女友為劉鳴煒未婚產子，可惜未能母憑子貴，同樣分手收場。
根據劉鳴煒情史，佢都係比較偏愛高學歷女仔。2016年劉鳴煒同金融之花Estella撻着，二人sweet到在facebook晒合照，公開封盤。Estella於港大經濟系畢業，曾經去荷蘭進修，是摩根大通嘅客戶投資組合經理，入得投行，都係叻女啦！
劉鳴煒與金融之花Estella（網上圖片）
不過2018劉鳴煒已經換畫，被傳媒影到同嫩口高妹約會，全程表現勁冧，春風滿面。
Keina（Keina IG）
直到上年3月劉鳴煒被踢爆與無綫明珠台新聞主播，現年24歲的中日混血兒趙慧奈 （Keina）拍拖。劉鳴煒甚至出動到私人飛機同Keina去睇北極光，仲分別於IG post相而洩密。不過二人的感情似乎起了變化，Keina曾高調大曬同另一個異性嘅親密合照，疑似新歡的男子應該係一名日本人，同Keina同聲同氣。當時亦有疑似係Keina嘅朋友留言話佢咁快有新「男仔」，未知係咪知道啲咩內情。
（劉鳴煒IG）
撰文：黃蘊姿