【飛虎之雷霆極戰】吳卓羲爆馬國明為一人重色輕友 黃宗澤同張曦雯搞乜愈錫愈鹹？

《飛虎之雷霆極戰》口碑佳，飾演汪國棟的黃宗澤，與飾演章文龍的吳卓羲日前（19日）接受TVB娛樂新聞台訪問。

入行至今演過第14次警察，吳卓羲都是衝動派，但去到今次，他的角色性格終於變得踏實，他說：「(如果)我做處長，編劇依然會講我向前衝。喺上輯我同黃宗澤嘈交...我話：『喂唔好又嚟呢啲，我哋已經咁高職位，兩兄弟推嚟推去...』今次佢冇寫個『衝』字，我做番自己呀！」劇中吳卓羲同余香凝、蔡潔陷入三角戀，但他就被兩位演員指控「cool爆」，很怕他，他澄清：「佢哋又話好欣賞我？我唔想太煩佢哋，對稿咪對稿。」

{{hket:inline-image name="14.jpg"}}{{/hket:inline-image}}

(TVB娛樂新聞台截圖)

{{hket:inline-image name="16.jpg"}}{{/hket:inline-image}}

(TVB電視截圖)

{{hket:inline-image name="15.jpg"}}{{/hket:inline-image}}

(TVB電視截圖)

至於黃宗澤同荷里活影星Lee Pace對手戲多，他指對方首次來港拍劇，開頭不習慣：「佢一日拍一場戲，最多兩場，TVB一日拍咁多，初頭有啲唔慣，佢講笑話：『拍完今次，我覺得以前浪費好多人生。』」他又笑道，同張曦雯第一次拍吻戲愈拍愈鹹：「佢喊到流鼻涕（你唔好啜落去呀嘛！）冇停機咪繼續錫，愈來愈鹹。嚟第2個take仲慘，可能一粒粒嘅。（依家同張曦雯冇晒隔膜？）知佢幾鹹囉。」

{{hket:inline-image name="19.jpg"}}{{/hket:inline-image}}

(TVB娛樂新聞台截圖)

{{hket:inline-image name="18.jpg"}}{{/hket:inline-image}}

(TVB電視截圖)

黃宗澤、吳卓羲與馬國明終在16年後再合作，被問到覺得馬國明有甚麼不同，他們大笑：「鹹濕咗！」主持人問：「鹹濕邊個先？你哋定係其他人？」黃宗澤解釋：「識講笑、搞氣氛、口花花、撩女仔。」吳卓羲大爆他重色輕友：「我哋同佢講嘢唔理我哋，佢只係同女仔講嘢，話：『我同女仔講嘢，唔該你行開啦吳卓羲。」黃宗澤和應。吳卓羲補充：「佢主要想同苟姑娘拍戲，劇中佢最想拍同佢嘅場口（遺忘你哋？）得過且過算啦，見到咪見囉，佢話：『喂呢句我唔想講，你講埋佢啦。』我話：『唔使講住喎。』佢話：『等我講講下場同苟姑娘(苟芸慧)嗰啲戲先』。」

{{hket:inline-image name="20.jpg"}}{{/hket:inline-image}}

(TVB娛樂新聞台截圖)

{{hket:inline-image name="21.jpg"}}{{/hket:inline-image}}

(TVB娛樂新聞台截圖)

{{hket:inline-image name="22.jpg"}}{{/hket:inline-image}}

(TVB電視截圖)

{{hket:inline-image name="11.jpg"}}{{/hket:inline-image}}

(苟芸慧instagram圖片；馬國明微博截圖)

雖然在馬國明背後笑他，但其實吳卓羲私下很想同昔日被TVB力捧的「五虎將」戰友（另有陳鍵鋒、林峯、馬國明、黃宗澤）合體，他覺得5人於清談節目中合作都可以，但檔期遷就難度高。黃宗澤認同：「10幾年都夾唔到啦。」吳卓羲憶述當年拍劇大家日對夜對。黃宗澤就話當年會傾偈傾天光：「收工未眼瞓，坐喺路邊吹水。」雖然如今好難通宵傾偈，但吳卓羲慶幸多演員，有人分擔：「最開心多咗馬國明，我哋抖多少少。」

{{hket:inline-image name="12.jpg"}}{{/hket:inline-image}}

(吳卓羲微博截圖)

撰文：張芷晴
責任編輯：楊安莉