時代廣場打造秘密花園 3大打卡位

黛安有唔少朋友都係戲迷，聽講時代廣場由即日起至7月5日，以即將上映嘅《The Secret Garden》電影為藍本，打造全港首個秘密花園，入面除咗有3大打卡位，仲可以憑花系顏色測試到真實性格。

公關姊妹話，其中一個必到打卡位係15米鎖匙造型嘅魔幻迷宮；另一個推介就係「典雅鳥籠」，猶如置身神秘仙境。而布滿320支閃亮花燈嘅秘密花屋，入去花燈海即會轉為你的專屬顏色，揭開顏色密碼，就可了解你嘅性格，黛安測過，都幾準㗎！

除咗靚景，即日起至6月16日，只要喺時代廣場商戶以單一電子貨幣消費滿$200，即可換領The Secret Garden夾夾樂代幣1個，每人每日最多可換4個，隨時夾取到指定商戶$1,000現金劵。另外，逢星期六、日更可額外獲Club Albergue 1601 Secret Garden限定飲品乙杯，名額有限，先到先得㗎。