劇集《十八年後的終極告白》中，阿一（陳山聰飾）剛剛得悉女友小倩（楊秀惠飾）佗B，快將當爸爸的他都大為緊張，向陪小倩睇醫生的Jackie（孟希璘飾）呼呼喝喝，不過阿一在劇中雖然是黑社會大佬，又威又惡，人人都忌他三分，不過唯一夠膽跟阿一硬碰硬的就只是Jackie了，事關Jackie跟小倩是孖公仔，她心痛小倩起初與阿一拖泥帶水，不時會為小倩出氣鬧爆阿一，非常有義氣。
相關新聞：【十八年後的終極告白】演楊秀惠同性密友遮風擋雨 新人孟希璘被爆戀前TVB女藝人
(圖片：《十八年後的終極告白》劇照)
(圖片：《十八年後的終極告白》電視截圖)
(圖片：《十八年後的終極告白》電視截圖)
(圖片：《十八年後的終極告白》電視截圖)
今次Jackie的角色令孟希璘受到觀眾所注目，早前先被爆出與前無綫女藝員李寶珊拍拖公開「出櫃」。近日孟希璘接受傳媒訪問時，更首次公開自己爸爸原來是武打演員孟龍，二伯父是孟海，全部來自武打世家。
不過孟希璘15歲起就停止習武，跟女兒身無關，原來孟希璘身患隱疾，中醫斷症為「雷諾氏綜合症」，而西醫暫時未能解究真正的病因和治療方法，更揚言情況一直差落去的話，可能要終身坐輪椅、臥床、甚至死亡。孟希璘接受《晴報》電話訪問時表示：「呢個病的確好影響生活，一個15歲嘅人應該可以正常去打波、跑步，呢啲我完全做唔到，之前最差嘅情況係連筷子都拎唔到，刷牙都冇辦法，要臥床。」
(圖片：受訪者提供)
(圖片：孟海微博)
(圖片：孟希璘IG )
(圖片：李寶珊IG )
孟希璘表示當疾病出現時，全家人都不敢相信，直至病情每況愈下，西醫表示不太樂觀，才四出尋找不同的醫生，她說：「屋企人好錫住我，依家個中醫黃醫師都係爸爸幫我搵，每次睇病覆診，佢都一定會陪我去，支持住我、照顧住我。」幸好，中醫有信心可以治好她的病，情況亦慢慢改善，而她認為雖然病患纏身，但她學習更加珍惜家人和人生。
孟希璘接到劇集《那些我愛過的人》中的角色需要打泰拳，她不得不向監製坦白一切，她說：「監製幫我安排拳館去學習同練習，教練知道我情況之後，都好照顧我，我期間都幾次見暈，佢哋都叫我停低飲返啲葡萄糖水補充。」
相關新聞：【十八年後的終極告白】楊秀惠效力無綫16年宣布離巢 為湊女賠錢走：時間上配合唔到
(圖片：孟希璘IG )
(圖片：孟希璘IG )
(圖片：孟希璘IG )
孟希璘說：「唔拍唔知身體好，今次係我病發以來第一次做劇烈運動，感覺上自己的體能都變好，加上中醫幫忙，我相信我條路有排行。」她直言身體的困難反而令她不會想太多，喜歡的事就即管放膽去做，當上演員亦是其中一樣。她說：「爸爸係演員，佢當然知道辛苦，但佢唔會畀壓力我，亦唔會好鼓勵我，今次劇集開始多人認識，佢都唔覺得係一回事。因為劇集好講緣份同機遇，心態要平靜，我自己鍾意演戲，就算之前好幾部都係演閒角，我都會畀心機做，有時間等埋位就睇吓其他演員點演戲，真係學到好多嘢。」
責任編輯：楊安莉