《十八年後的終極告白》昨晚首播，劇情圍繞住一單18年前的兇殺案展開，第一集相關主要角色，如沈敬一(陳山聰飾)、林朗生(譚俊彥飾)、謝家富(何遠東飾)等人已出場。當中飾演何遠東妹妹「家倩」嘅楊秀惠相當吸晴，角色係一位聾啞人，當中要運用大量手語，好考記性，而秀惠配合眼神同表情一樣交足戲，可謂無聲勝有聲，認真厲害！
相關新聞：【十八年後的終極告白】陳山聰何啟南擂台埋身肉搏搶Fo 預告重演《天若有情》經典一幕
(網上圖片)
(圖片：楊秀惠IG)
第一集講到警方在肇事地點挖掘出一具骸骨展開調查，同兇殺案有關嘅家富即時六神無主，嚇到立即去「妹妹」家倩工作嘅地方搵佢。在劇中楊秀惠飾演聾人，全程沒有對白，劇中交代她雖然有口難言，但原來是售貨店的皇牌售貨員，她跟何遠東流暢嘅手語加埋七情上面嘅表情，觀眾睇得一樣投入。
(圖片：Big Big Channel影片截圖)
(圖片：Big Big Channel影片截圖)
除咗楊秀惠之外，TVB之前有幾套劇都有聾啞人角色，邊套先係你心目中最經典？
《十月初五的月光》張智霖
「初哥哥」絕對係張智霖從演嘅代表作之一，呢套劇更令佢之後大受歡迎，人氣急升，而佢同「君好」佘詩曼亦係當時好多人心中經典熒幕情侶。
(圖片：Big Big Channel影片截圖)
(圖片：Big Big Channel影片截圖)
(網上圖片)
《溏心風暴之家好月圓》陳法拉
陳法拉喺劇中飾演甘家孻女「永慶」，係一名啞人，佢心靈手巧，雖然學業成績不錯，但決定放棄升讀大學，選擇留在餅舖幫手，守護喺媽咪李司棋身邊，係一個好貼心嘅乖女。
(圖片：Big Big Channel影片截圖)
《名媛望族》林穎彤
林穎彤同朱晨麗喺劇中係一對相依為命嘅姊妹，但可惜細個失散咗，林穎彤被賣到妓寨，成年後唔想失身，咬舌想自盡但執返條命，最後變咗啞巴！
(圖片：Big Big Channel影片截圖)
(圖片：Big Big Channel影片截圖)
《拳王》胡定欣
胡定欣喺《拳王》飾演聾啞女拳手丁丁，命運一直好坎坷，直到遇到鄭嘉穎接觸咗打拳之後，佢先有做人嘅目標，慢慢改變白己命運。「丁丁」一角打動唔少觀眾，胡定欣更憑呢套劇得到2012年萬千星輝頒獎典禮「最佳女配角」。其後佢喺2015和2016年分別憑《鬼同你OT》、《城寨英雄》奪得視后殊榮，演技受肯定。
(圖片：Big Big Channel影片截圖)
(圖片：Big Big Channel影片截圖)
撰文：羅慧怡
責任編輯：楊安莉