出名孝順女嘅唐詩詠（Natalie），媽咪雖然喺09年因心臟病離世，但時常都會掛住對方喺口唇邊，好似早年奪視后時，佢亦在台上落淚感謝亡母，場面感人。而昨日（10/5）是母親節，Natalie就上傳對住遠方微笑嘅獨照，表達對媽咪嘅思念之情。佢寫道：「媽媽，我很好，放心，準備了一份禮物，7月送給你，記住到時來找我，掛念。」有網民表示支持Natalie，仲話：「詩詠真有孝心，媽媽會永遠守護妳。」
（圖片：唐詩詠IG）
留言被人懷疑是即將閃婚（圖片：唐詩詠IG）
唐詩詠同媽咪（圖片：唐詩詠微博）
但呢份神秘禮物到底係咩？一時之間引起網友齊齊競猜，唔少人都估佢會公開戀情兼閃婚，禮物就係「結婚證」，有網民笑言希望男主角係馬國明，仲留言話：「接受馬明」、「馬明，是份禮物」，認真搞笑。
好多網友估佢結婚（圖片：唐詩詠IG）
而面對一眾網友的「幻想」，Natalie都忍唔住回覆返大家，話7月冇可能係結婚：「不是那麼膚淺」。
（圖片：唐詩詠IG）
Natalie自從2017年同洪永城分手後，至今仍然單身，雖然後來有傳佢同「教育界王力宏」陳思銘發展地下情，但二人一直否認。到今年3月，陳思銘發文暗指結束一段戀情，一度讓人猜測係契哥馬國明介入。事關佢地被影到出雙入對，連日密會，一部車兩份揸，但後來馬明就解釋係順路先車埋契妹。
相關新聞：唐詩詠曬中三箍牙學生舊照親解黑面原因 讀書時獲贈鑽戒 38歲點睇愛情？
唐詩詠同馬國明一直以契兄妹相稱（圖片：東星娛樂）
其實馬明同Natalie呢對契兄妹，在大眾眼中都好合襯，二人09年拍攝劇集《鐵馬尋橋》開始相熟，一直係圈中好友，不過就「戀人未滿」。而唔少網民在《白色強人》播出期間紛紛留言希望佢哋戲假情真。雖然過去兩人一直揚言「冇可能拍拖」，但男未婚，女未嫁，唔知網友今次會唔會開口講中呢？
鐵馬家族好鬼friend（圖片：唐詩詠IG）
合作《白色強人》好多網友想二人一齊（圖片：唐詩詠IG）
撰文：羅慧怡
責任編輯：楊安莉