圈中唔少藝人吸金力都非常強，搵得多自然使得多，佢哋好多時都有「非人」嘅使錢習慣，土豪嘅程度有時更加係一般人無法想像。
廿歲出道已經爆紅嘅鍾欣潼阿嬌多年來累積咗唔少財富，保守估計佢單係物業都已經有1億。阿嬌早前喺隔離期間拍片同大家分享佢嘅生活，令佢收納名牌手袋嘅落地大櫃意外曝光。
（網上圖片）
阿嬌結婚前曾於大S主持的美妝節目《Beauty 小姐》中提到，自己買嘢從來都唔睇價錢，只要鍾意就會買。阿嬌認為，買手袋係為咗獎勵自己平日努力工作，是另類的減壓方法。阿嬌買手袋不看價錢嘅習慣令當時的未婚夫賴弘國有所顧慮，雖然兩人財務獨立，但阿嬌因尊重賴弘國而收歛：「我喜歡的牌子比較貴，但我是用自己的錢，我那麼辛苦，努力賺錢，不過現在會顧慮到他的感受，我就不敢買。」
（鍾欣潼IG）
（鍾欣潼IG）
除咗手袋，阿嬌曾經眼都唔眨咁打賞內地演員余衍隆。阿嬌不斷打賞之餘更豪爽咁畀咗2萬蚊點唱。有網民指阿嬌直播中共花費了4萬幾人民幣（近5萬港幣），揮金如土。
（網上圖片）
除咗阿嬌，內地90後女演員鄭爽都非一般咁豪。鄭爽屋企環境因為做節目而曝光，家中擺滿大大細細嘅速遞箱，而其中一個紙皮箱係一支「飲用天然水」，而呢支水竟然要索價1,775港元。
（網上圖片）
鄭爽之後更帶上節目畀小S同蔡康永試飲，原本以為係有咩特別功效或者特別好飲，但原來只係一支普通礦泉水。鄭爽指佢原本只係出於好奇，點解一支水會賣得咁貴，點解會有人買呢啲水，原本諗住睇完就退貨，但一試之後竟然愛上了飲這種礦泉水。鄭爽更加喺節目上「豪吹」呢支近2,000蚊嘅礦泉水，令兩位見多識廣嘅主持人都睇到呆晒！
（網上圖片）
撰文：黃蘊姿