鍾麗淇（Margaret）近日接受香港開電視節目《是敢的》主持人梁梓禧訪問，分享從幕前演員走到當瑜伽導師的經過，以及成為堅強人母的故事。
（圖片：大會發相）
鍾麗淇95年從加拿大回港參選華姐後加入娛樂圈，全不懂中文的她當時連自己的中文名亦看不懂。7年過去，她也陷入「7年之癢」，在黃佩霞的介紹下，鍾麗淇遇上瑜伽，適逢合約期滿，便順勢轉到幕後，當起瑜伽導師。
（圖片：鍾麗淇IG）
（圖片：鍾麗淇IG）
Margaret不時在IG分享瑜伽心得（圖片：鍾麗淇IG）
提到跟老公Nardone Ruggero相識經過，她表示對方是真命天子，鍾麗淇遇到老公前飽歷情傷，不願打開心房。當時她被好姊妹拉去聚會，意外遇到未來老公：「佢問我有咩興趣，我話鍾意釣魚，佢呆咗，原來佢都鍾意釣魚，之後就有繼續聯絡。所以遇到對的人，就唔會抗拒。」而兩人結婚至今亦恩受如昔。
Margaret同老公結婚多年都咁sweet（圖片：鍾麗淇IG）
婚後沒多久鍾麗淇就有了小朋友，但大女Isabella於6個月大時，被確診患上罕見的基因病「四號染色體缺損綜合症」，患者會手腳無力，難以走路，缺乏自理能力，醫生說女兒可能撐不過2歲生日，與此同時，她的媽媽也離世，讓她陷入雙重打擊。鍾麗淇便發揮為母則強的精神撐下去：「醫生都好坦白，佢話Isabella個病都係上網search嘅，個段時間冇喊，我媽咪都過咗身，所以唔可以停落嚟，我係冇時間、無辦法選擇停落嚟。」
{{hket:inline-image name="91401499_1060957457620520_9035647102883470183_n.jpg"}}{{/hket:inline-image}}
大女Isabella有罕見的基因病（圖片：鍾麗淇IG）
灰心過、沮喪過，但是鍾麗淇永不放棄，那份正能量源自她的母親，她說：「媽媽乳癌康復後患上肌肉萎縮症，Isabella出世之後佢都郁唔到，我成日替佢唔開心，但係佢會叫我唔好諗，媽媽係有呢個病，但佢都會努力撐落去。媽媽影響到我，佢唔做用言語教我，而係實際做出嚟我都係咁樣教我小朋友。」轉眼間，大女Isabella已經九歲，去年更入讀心儀的特殊學校。鍾麗淇最希望有機會帶兩名女兒回到加拿大，讓她們看看自己的成長地。
兩個女相親相愛，感情好好（圖片：鍾麗淇IG）
育兒路上從不容易，鍾麗淇最多謝老公不離不棄的支持：「特殊家庭離婚率係45%，比正常高很多，但我哋都冇，我哋兩個都好堅強、加在一起變得更堅強，佢好照顧我哋，唔使我擔心太多嘢，等我可以專注喺女兒身上。而家我好開心，我好愛我嘅老公，好愛我嘅家庭。」
（圖片：鍾麗淇IG）
撰文：羅慧怡
責任編輯：楊安莉