張繼聰（Louis）同謝安琪（Kay）結婚多年Keep住咁甜蜜，最近受疫情影響減少出街，相信兩公婆留得多喺屋企都會悶，張繼聰發掘到新愛好，就係做老婆御用攝影師，幫Kay密密影靚相，有時佢都會係自己IG大曬作品，又真係影得好有水準！今日謝安琪喺IG分享，由老公張繼聰親自操刀嘅甜美大頭照，不過呢張相就意外激親江若琳（Elanne），仲留言鬧自己老公蕭唯展（前名蕭潤邦，英文名Oscar）添！
相關新聞：【愛的迫降】蕭潤邦著軍裝扮玄彬下場「悽慘」 江若琳13字神回應網友讚幽默
呢輯相少女感十足！（圖片：謝安琪IG）
（圖片：謝安琪IG）
雖然係泳衣照，但通通只見到膊頭以上嘅地方，呢輯泳池相好有日本少女寫真嘅感覺，真係睇唔岀Kay已經43歲，仲生咗兩個小朋友！Kay寫道：「都不放棄努力過活，用心挖掘、領受、體現，萬物當中的細節，生命承載的意義，仍然可以選擇，真摯地分享，箇中的快樂，這是特別值得珍惜的一種樂觀。」
好似拍緊日本廣告咁（圖片：謝安琪IG）
Kay連甫三張靚相，搞到江若琳忍唔住留言，不過係鬧自己老公：「搞錯呀，點解你老公影相咁靚，我愈睇愈嬲！@siupongoscar 你望下人地」而Oscar無辜被罵，惟有覆返老婆：「我都知道遲早一日會出事」兩公婆隔空打情罵俏，真係好搞笑！其後Kay都開玩笑地「鼓勵」Oscar影相加把勁：「大佬，我支持你呀，你要keep住個水準，用行動證明，太太咁靚，我使乜攝影技巧。」
江若琳跟老公隔空打情罵俏（圖片：謝安琪IG）
後來Kay再留言打圓場（圖片：謝安琪IG）
其實今次都唔係Oscar第一次畀太太公開講影相技巧差，4月中時，張繼聰上傳過一張老婆「凌亂美」嘅chok相，當時Oscar就不禁慨嘆：「今次我俾你累死啦聰兒」，事關江若琳望完張相，即時留言投訴老公影得佢「又肥又短」！
相關新聞：張繼聰做攝影師大曬謝安琪靚相 做埋YouTuber 唔畀胞弟搶Fo？
張繼聰影相好有水準呀！（圖片：張繼聰IG）
（圖片：張繼聰IG）
（圖片：張繼聰IG）
Oscar 在IG上不時都會分享同江若琳嘅生活點滴，例如係下廚嘅認真樣子，仲有兩人嘅自拍合照，其實啲相都影得幾靚，事關靚女點影都靚呀！
（圖片：Oscar IG）
Oscar眼中嘅太太係咁（圖片：Oscar IG）
撰文：羅慧怡
責任編輯：楊安莉