【數臭渣男】何超蓮周揚青同是天涯淪落人 力撐好姊妹讚勇:我也經歷過

周揚青同羅志祥（小豬）傳出情變多時，周揚青尋日終於喺社交網發文承認9年情玩完，更直斥小豬係渣男！周揚青大數對方「罪行」，包括有專屬「聊妹」手機；「唔熟唔食」同旗下女藝人及化妝師有「私情」；以及有開P癮，常進行「多人運動」等。事件引起極大回響，網民除咗競猜周揚青口中嘅女主角係咩人之外，仲鬧爆羅志祥係「渣中之霸」。

{{hket:inline-image name="kkkk-1587651709.jpg"}}{{/hket:inline-image}}

（網上圖片）

何超蓮力撐好姊妹周揚青揭開羅志祥出軌真面目，大讚佢勇敢：「你經歷的我也經歷過，我知道有多痛，很佩服你的勇敢，加油我的胖胖。」周揚青回覆超蓮：「但你現在收獲了幸福呀，我以後一定也會的，哈哈。」

{{hket:inline-image name="VmWAa6CsB4AcBAdX3x7T.jpg"}}{{/hket:inline-image}}

（網上圖片）

超蓮留言一出，即刻引起唔少網民討論，估呢個令超蓮「經歷過」嘅前男友到底係邊個。雖然超蓮緋聞多多，男方唔係明星就係富二代，當中包括模特兒黃俊豪、方力申、歌手吳克羣、霍啟山等。不過就唔係個個都獲超蓮公開認愛，所以令超蓮「經歷過」嘅前男友茅頭直指愛得最高調嘅台灣歌手吳克羣。

{{hket:inline-image name="5b90894ee622d212ed38d80b88c67e18saasftp20200221.jpg"}}{{/hket:inline-image}}

（東星娛樂）

超蓮與吳克羣曾拍拖4年，2015年底分手時超蓮喺社交網發文暗示同吳克羣不歡而散：「我答應自己，這是我最後一次為你流淚，我不會記恨，我要往前走，不會再執着一切真真假假，最重要的是我會永遠記住分開的那一刻，你給我留下的最後印象，可以讓我提醒自己不能再這麼傻，也許有一天我會謝謝你，讓我學會怎麼樣更愛自己多一些。」似暗示係畀對方傷害先分手。

{{hket:inline-image name="aca277113f8728f05885d543958e59f8.jpg"}}{{/hket:inline-image}}

（東星娛樂）

當年超蓮好閨密李蘊都暗示係男方有「變」，心痛好朋友：「佢哋拍拖時梗係表現得好sweet啦，但人要變就變。」佢大讚超蓮專一，只係「有啲人」唔珍惜，再加上異地情緣難以維繫。問到李蘊好友超蓮有冇感覺到吳克羣有異樣時，佢似乎意有所指：「啲男人以為自己好醒，瞞住個女朋友，但其實女朋友嘅第六感好犀利，呢啲（偷食）一定會知囉。」

{{hket:inline-image name="UNGiJR5gsKHyaiardkRkUPW0kaKZdnpcBV71AQVe9QE.jpg"}}{{/hket:inline-image}}

超蓮與竇驍（何超蓮微博）

超蓮其後再被問到「渣男」前度係咪指吳克群嘅時候表示唔回應。超蓮去年4月認戀內地男星竇驍，依家愛得甜蜜，似乎已經忘記傷痛向前望。

撰文：黃蘊姿