譚俊彥（Shaun）近年於TVB發展得不錯，於劇集《天命》﹑《特技人》、《法證先鋒IV》中都擔正男主角，而即將播出的《十八年後的終極告白》，他亦有份演出，飾演的角色亦正亦邪，頭、中、尾階段都有不同造型同語氣，加上會同拍檔黃智雯有刺激床上戲，真的大有突破，好有挑戰性！
(《十八年後的終極告白》劇照)
譚俊彥新劇同黃智雯有感情線(《十八年後的終極告白》劇照)
譚俊彥入行20年，拍過不少電視劇，但最為人所共知的事，一定是他是影壇大哥狄龍的兒子。日前他接受車淑梅的電台節目《舊日的足跡》訪問，坦言「狄龍之子」這身份為他帶來不少壓力，更曾因此拒絕跟爸爸合照。
譚俊彥近日上電台節目接受訪問(圖片：大會提供)
他在訪問提到：「爸爸唔會同人講『用我個仔』，其實冇呢支歌唱，佢唔係電影公司老闆，亦唔係演藝人協會會長，人哋點解要畀機會我？」譚俊彥又說曾因此不想與父親合照：「我以前會好介意，甚至唔想同爸爸合照，但係而家長大咗，再冇咁執着，反而覺得可以同爸爸一齊合作拍片，甚至兩父子都做過『包青天』，畀下一代睇到都係好事，係一個緣份。」
相關新聞：【法證先鋒IV】譚俊彥為仔女棄大陸市場簽無綫 對緋聞說不 獨愛話劇出身靚老婆
{{hket:inline-image name="23416442_1870055916641775_7989372763859058688_n.jpg"}}{{/hket:inline-image}}
(圖片：譚俊彥IG)
譚俊彥又分享跟太太任祉妍相戀往事，太太本身是舞台劇演員，二人因為合作日久生情，他主動在新疆草原上向太太表白。他說：「由北京、天津、大連、新疆到溫哥華，相處咗差不多八個月。有一晚喺新疆草原，我見佢一個人喺度盪鞦韆，嗰一晚嘅星星係我見過最靚嘅繁星，好浪漫，於是我向佢表白。」可惜譚俊彥卻慘食白果，因為任祉妍認為欠缺安全感，不過他不放棄，努力追求太太，最終用真誠打動對方。
譚俊彥同太太好sweet！(圖片：譚俊彥IG)
(圖片：譚俊彥IG)
譚俊彥自問是個很直接和不懂浪漫的人，得知任祉妍懷孕，他就決定要拉埋天窗，但沒有感動的求婚過程，只是直接講：「生左佢，我哋結婚啦。」對於太太為家庭的犧牲，他不禁哽咽，感動地表示：「有第一個小朋友之後我轉變好大，由一個細路變成男人，令我長大咗。太太係我最強大後盾，佢放低自己嘅事業成就我呢個家，我好幸福有一位好太太！」
譚俊彥絕對係個100分老公同爸爸(圖片：譚俊彥IG)
(圖片：譚俊彥IG)
撰文：羅慧怡
責任編輯：楊安莉