由譚俊彥主演嘅無綫古裝劇集《包青天再起風雲》即將於今個月播出，有別於傳統包青天系列，在查案以外，包青天還會談情說愛，並加插大量武打及搞笑情節。14年前演包青天嘅狄龍又點會估到阿仔譚俊彥喺2019年做番同一個角色，感覺真係好奇妙！
（譚俊彥Instagram）
對於與父親飾演同一角色，譚俊彥笑言見到三個鍘及穿起戲服時感覺奇妙：「佢哋話係咪要簽埋我個仔。（好大壓力？）一定有，係自己畀自己，成日都想做好啲，一定要保住譚家嘅招牌。」譚俊彥演出時加入唔少新元素：「今次嘅包青天係會拍拖，有感情線，我都想表現得輕鬆啲，因為我之前啲劇太沉重。如果做番同爸爸一樣，啲人覺得咪又係嗰樣嘢。我做啲新嘢，可能有人唔接受，但有一個人覺得唔錯，已經好大滿足感。」
2019年《包青天再起風雲》（無綫劇照）
1995年《包青天》（無綫劇照）
譚俊彥爸爸係影帝狄龍，媽媽陶敏明，年輕時都係一位演員，嫁狄龍之後就息影。譚俊彥亦是金牌經理人林珊珊、全能藝人林海峰及林曉峰的表弟。出身演藝世家，咪即係大家所講嘅贏喺起跑線上？
出身演藝世家。（譚俊彥微博）
左起：譚俊彥、陶敏明與狄龍（譚俊彥Instagram）
譚俊彥並冇因為咁攞到「着數」，反而令大家對佢實力存疑。譚俊彥入行19年，2003年開始往內地發展，大前年「回歸」簽約無綫成為「親生仔」後，首部古裝新劇《天命》已坐正，好多人都覺得奇怪，點解會搵譚俊彥拍TVB劇？佢憑什麼可以演這個角色？譚俊彥話TVB很多人會𥄫實佢：「睇我到底識唔識演戲！我入行其實已十八年，大家真係覺得我唔識演戲？我拍咗六十套作品，同我合作過嘅演員都唔會有疑問，我相信當觀眾看完我演出的作品就會明白。」
（特技人劇照）
（譚俊彥微博）
譚俊彥話佢唔敢講自己演技好好，但佢係一個敬業嘅人，唔會遲到；每場戲都會做到最好，以佢嘅身份，去到邊度都唔會有特別待遇。正因為佢係「狄龍仔」，反而會付出更多努力，去證明自己都有實力。依家嘅佢努力並冇白費到，成功吸咗唔少Fans，都有好多人對佢嘅演技予以肯定。相信有朝一日，大家提起狄龍嘅時候會話係「譚俊彥爸爸」，而唔係再叫譚俊彥做「狄龍仔」。
狄龍弄孫為樂。（譚俊彥Instagram）