當年TVB《美女廚房》絕對係唔少香港人心目中經典綜藝節目，睇住藝人亂煮一通，加埋主持人試食嘅搞笑反應，真係帶畀好多人歡樂！曾經擔任主持嘅鄭中基近日就於個人YouTube頻道，上載了一條「多年後我要同椋名凜道歉」嘅影片，又大爆當年完廠後鮮為人知嘅事。
鄭中基公開向椋名凜道歉(影片截圖)
節目中其中一幕經典場面，就係邀請日本模特兒椋名凜參賽，佢當時廚藝實在不敢恭維，炮製嘅臭豆辣椒蝦及喇沙米粉，唔單止臭到一眾主持要戴上口罩試食，仲令梁漢文嘔吐不止，之後更要送院接受治療。
相關新聞：細數《美女廚房》六大經典畫面 方力申最爆金句：假㗎啲奶
{{hket:inline-image name="8t.jpg"}}{{/hket:inline-image}}
(影片截圖)
{{hket:inline-image name="r.jpg"}}{{/hket:inline-image}}
椋名凜當年廚藝唔係太好(影片截圖)
{{hket:inline-image name="-i.jpg"}}{{/hket:inline-image}}
鄭中基隔住口罩試食(影片截圖)
原來鄭中基係唔食冬菇同蝦醬，次次都會同參賽者講明，但因為椋名凜係日本人，聽唔明佢講嘢，最後落咗好多蝦膏，令製成品灰灰綠綠又臭，更於節目被人批評到佢體無完膚，鄭中基稱：「當時睇真係好似係沼澤撈岀嚟嘅不明物體。」。
(影片截圖)
到節目錄影完畢，鄭中基覺得唔好意思，想同椋名凜道歉，可惜佢已經離開錄影廠：「當時我嘅批評太過苛刻啦，原來佢係喊住咁走咗，嗰日仲要係佢生日。我真係好對唔住佢，隔咗咁多年先同佢講：『對唔住！』」
(東星娛樂)
唔少人都大讚鄭中基肯認錯、係有承擔嘅「真‧男人」，事實上佢11年同主播余思敏結婚後，已經由浪子變成愛妻號，而且超錫一對寶貝仔女，經常陪伴左右，樂做湊仔公。據報道指出ViuTV就睇中佢住家暖男嘅形象，邀請佢拍劇，而且角色仲係為佢度身訂做，係個任勞任怨嘅多功能慈父。
鄭中基同太太余思敏(鄭中基IG圖片)
鄭中基而家享受家庭生活，花好多時間陪一對仔女(鄭中基IG圖片)
(鄭中基IG圖片)
至於當年嘅地獄廚神椋名凜，於2010年下嫁職業車手高村直樹，而家已經係5位小朋友嘅媽咪，係日本專心相夫教子。為咗小朋友食得健康開心，佢努力鑽研廚藝，睇椋名凜IG，而家得閒就煮又靚又好味嘅飯餸，睇嚟已經蛻變成廚神！
好靚女！(椋名凜IG圖片)
唔再係暗黑料理，望落好好味咁！(椋名凜IG圖片)
(椋名凜IG圖片)
椋名凜生咗5個小朋友身材都好Fit，而且仲有浸少女味。
(椋名凜IG圖片)
(椋名凜IG圖片)
撰文：羅慧怡
責任編輯：楊安莉