處境劇《愛回家之開心速遞》飾演Rebecca的沈可欣早前接受香港電台《守下留情》的訪問，首次到電台的她大談自己小時候的成長故事，沒想到為聽眾帶來大大的驚喜。沈可欣的老公楊證樺做「跟得老公」，全程陪伴太太做訪問，認真甜蜜。沈可欣表示自己小時候住愛民邨，有比她大6歲的哥哥，不過屋企附近比較多男鄰居，所以大多數都是落公園玩，最難忘是去士多買孖條同巨星雪條，即時勾起很多人的集體回憶。
相關新聞：《愛回家》Rebecca催婚事敗大受打擊爆喊 網友鬧爆鐵面陳 幫手搵真命天子
(圖片：沈可欣IG )
(圖片：沈可欣IG )
沈可欣演戲背後，沒想到有令人意外的一面。她在訪問中表示小時候愛聽收音機節目，更同同學一齊扮DJ用錄音帶開節目。後來，升初中之後，因沈迷聽電台節目，所以鼓起勇氣去廣播道等偶像。沈可欣的偶像到底是誰呢？她說：「我好鍾意張麗瑾，佢喺電台節目教人講日文，我有寫信去，佢有教過我一個字呀都！而軟硬天師直情係我超級偶像，我成日去商台等佢哋，等到好多DJ，有阿旦鄭丹瑞、軟硬天師、張麗瑾、馬蹄露等等，軟硬會同我影相同簽名。」她直言事後在TVB遇到馬蹄露，有跟她提過此事，但對方反應不大，相信可能好多人都一樣。
期間，沈可欣大爆秘密，她表示當年做「廣播道Fans」其實是有個伴，就是羅敏莊，大家當年一齊追星。沈可欣說：「羅敏莊係我小學同學，佢係A班，我係B班，而C班就係港姐李嘉慧，冇諗過我哋三個都入咗行。雖然同羅敏莊唔同班，但我個同學係住羅敏莊對面屋，我成日都上去玩，所以比較熟。之後一齊去追星，又去睇拉闊音樂會。」她大讚羅敏莊由細到大都熱愛唱歌，當年經常在家唱歌彈琴，成條走廊都聽到她的歌聲。
相關新聞：【港姐做名模】李嘉慧低調嫁十億豪門做少奶 誕3千金超模身形冇走樣
(圖片：東星娛樂)
(圖片：張麗瑾Facebook）
(圖片：東星娛樂)
（圖片：羅敏莊IG )
(圖片：東星娛樂)
沒想到，事後DJ劉偉恒和梁禮勤為沈可欣帶來驚喜，邀請到張麗瑾再開金口為她錄打氣聲線，令沈可欣非常感動。張麗瑾說：「各位聽眾你哋好，我竟然喺你哋聽到沈可欣訪問，佢話好鍾意我同軟硬天師主持嘅《飛越癲狂院》，真係開心，老懷安慰。當年現場錄音仲可以同聽眾打成一片同整蠱嘉賓。依家我係佢Fans，我好鍾意佢喺電視劇入面飾演小人物，表情同語氣都係恰到好處。我真係覺得應該畀多啲機會(佢)發揮同攞獎，獎同錢一樣，錢唔係最重要，但有當然開心啲！」
(圖片：沈可欣IG )
(圖片：沈可欣IG )
(圖片：沈可欣IG )
撰文：楊安莉