Rebecca回歸《愛回家》 飢渴剩女生擒鐵面陳

Rebecca終於回歸喇！演員沈可欣由於懷孕生子，獲《愛回家之開心速遞》劇情安排她去英國進修，早前本報已預告可欣已經回歸劇組，(重溫：http://bit.ly/2IpUfeA)，而昨晚播出的一集正是賀她的回歸，劇情講到Rebecca返港後立即向姊妹們大曬有豔遇，又Orlando又Sherlock，不過全部都只是她虛構出來，反而鐵面陳（王致狄飾）晚晚跟她網上聯天，兩人感情關係昇溫。原來鐵面陳只是想向Rebecca練英文，但就令Rebecca心慌意亂，更一度幻想鐵面陳會跟她結婚，Rebecca幻想力果然豐富，雖然同鐵面陳未能夠如願開花結果，不過觀眾對於「飢渴剩女」Rebecca就非常歡迎，覺得佢為愛情不惜犧牲一切，相當可愛。

{{hket:inline-image name="rebecca1.jpg"}}{{/hket:inline-image}}

Rebecca跟威龍女子組重逢，即時要攬埋一齊。(圖片：《愛回家之開心速遞》截圖)

{{hket:inline-image name="54375822_2041915049253111_4783304897166573568_n.jpg"}}{{/hket:inline-image}}

Rebecca跟鐵面陳到底可否終成眷屬呢？(圖片：《愛回家之開心速遞》截圖)

{{hket:inline-image name="rebecca3.jpg"}}{{/hket:inline-image}}

現實生活中，沈可欣跟丈夫楊證樺已經有兩個囝囝宏志同宏信，生活美滿，跟Rebecca的感情路可謂南轅北轍，可欣接受《晴報》電話訪問，她表示：「琴晚嗰集好搞笑，我自己睇返都有笑，我同Rebecca當然唔似，我本身個性格比較靜，平時比較靜少說話，對愛情唔係佢咁飢渴，一切都順其自然，亦唔會主動追男仔。Rebecca完全係設計出嚟嘅角色，佢係可憐又可愛，角色入面佢屋企得自己一個，所以會好寂寞，但佢對身邊人好好，好重朋友、好有義氣，所以見到自己鍾意嘅男仔會主動追求，雖然做出嚟嘅事有少少誇張，好癡女咁款，但全部都發自內心。」

{{hket:inline-image name="52527129_10156296027378237_944651256159272960_n.jpg"}}{{/hket:inline-image}}

沈可欣現實生活中一家四口樂也融融，跟Rebecca情路差得遠。(圖片：《愛回家之開心速遞》截圖)

{{hket:inline-image name="rebecca9.jpg"}}{{/hket:inline-image}}

Rebecca一個飛身熊抱鐵面陳求鍚鍚，非常猖狂。(圖片：《愛回家之開心速遞》截圖)

可欣指老公楊證樺不會呷醋，上次已經跟鐵面陳有錫過，只是工作所需，不會尷尬，她說：「我接的角色好多都係太太或者媽媽，比較正經，反而拍《愛回家》做Rebecca就好跳脫同鬼馬，好搞笑，所以我都幾享受演呢個角色，可以嘗試做自己平時唔會做嘅事。」