新冠肺炎疫情肆虐，全球經濟面對重大危機，香港多個行業被禁止營業或限制運作，令原本不利的環境變得更加差，各行各業都紛紛湧現裁員潮，情況令人憂慮。商業電台DJ蘇耀淙（細So）今日突然收到公司的大信封，完成今晚7至9點的節目後，將正式離開工作20年的電台。據消息透露，細So在疫情爆發期間，因環境衛生和工作安排，曾經在討論之間頂撞過上司，未知被裁是否跟事件有關。
相關新聞：【疫情影響】商台員工4月起放無薪假 森美：減薪保同事飯碗共渡時艱
(圖片：細So IG )
(圖片：東星娛樂)
細So接受《晴報》電話訪問，他表示今早收到商台CEO的來電，通知他即日被解僱，他說：「係有少少突然，CEO話經濟環境影響之下，考慮到生意同資源分配的問題之後，正式終止合作關係。不過大家放心，不需要擔心我，亦好多謝大家關心。」
問到原本合約到幾時？細So笑笑口稱工作20年來，合約期都沒有刻意放在心上，只知他會收到17年的全職工作遣散費。他說：「失望當然會有，最失望係冇得再做音樂節目，呢個係我每一日抒發嘅地方，之前試過有段日子我只做Talk Show冇做音樂節目，嗰段時間真係日日都好消沉。每次見到日落，冇得聽歌做節目，可能會唔捨得。」
細So表示自己除了電台的主持工作外，還有做籌畫演唱會的幕後工作，而且跟太太亦有小生意，工作前景不太擔心，自己不會將不快的心情留得太耐，因為要慢慢跟家人、小朋友和朋友們交代。問到是否真的因頂撞上司被裁？他說：「其實頂撞事件係的確有發生，至於關唔關事，我唔知道，我其實都只係擔心自己同同事嘅安全，我相信好多人都有一樣嘅擔心，只係唔係個個都有機會去表達，我就變相惡少少去討論。（得你被裁？）我有問CEO，佢話冇補充，不過我同903一班兄弟姊妹道別時，冇聽聞有其他人被裁。留低嘅兄弟姊妹都辛苦喇，原本已經要一日No Pay Leave（無薪假），依家仲要頂埋我啲工作，真係辛苦佢哋！」
相關新聞：【留家抗疫】森美鬚根look泡製「400次咖啡」 「美女廚神」小儀挑戰人手打泡當做GYM
(圖片：東星娛樂)
(圖片：細So IG )
(圖片：細So IG )
(圖片：細So IG )
現時商台網頁仍然有細So。(圖片：商台網頁)
至於今晚將如何向聽眾道別？細So表示：「原本被通知係做埋今晚節目，依家又好似話今晚我唔使開，咁我暫時都答你唔到住，我已經準備好點樣同聽眾道別，但最後有冇得咁做都未知。」節目《生活日常》將於今晚7至9點播出。
細So畢業於理工大學，讀書期間已經一直做商台兼職工作，後來加入節目《森美移動》成為其中一員，跟森美、詹志文及陳強老友鬼鬼。2006年細So曾與DJ同事阿Wing結婚，2009年因性格不合，低調離婚。2011年細So與旅遊記者陳穎楠結婚，婚後育有兩子。
撰文：楊安莉