現年40歲嘅楊怡同35歲羅仲謙2016年結婚，一直恨生B嘅佢哋4年嚟都「不設防」全力「造人」，終於二人喺上月中宣布佗鼠B嘅喜訊。楊怡為咗安胎，上年9月開始已經「失蹤」，所以自從佢宣布有喜之後，大家都好期待佢嘅孕照！
相關新聞：【終於成功】楊怡40歲秘密佗鼠B就生得 趕及與羅仲謙慶祝首個父親節
(圖片：羅仲謙IG）
（圖片：楊怡IG)
（圖片：楊怡IG)
（圖片：楊怡IG)
（圖片：楊怡IG)
今日佢哋兩公婆就齊齊喺IG Post咗多張準媽媽嘅唯美大肚相，仲有同準爸爸羅仲謙嘅合照，近月好少開Post share近況嘅楊怡話好想同大家分享佢呢份期待同愛：「一個身體，兩顆心跳，素未謀面，卻感受至深....女人一輩子，大概只有這個旅程，會有人與你『合二為一，生活同步』同憂同喜，同食同睡，感恩我能體會這奇妙的旅程⋯⋯人説懷孕的女人最漂亮，我想是因她們臉上會流露出一種孕育生命才有的光芒吧.......母愛....」真係隔住個mon都feel到佢滿瀉嘅母愛。
相關新聞：【高齡佗B】楊怡養胎做足防疫唔畀老公「埋身」 羅仲謙拍劇孭起頭家無得陪產
(圖片：羅仲謙IG）
(圖片：羅仲謙IG）
準爸爸羅仲謙都同步出Post，仲大爆BB性別：「看着老婆肚子一天一天地大，這幾天我能隔著肚皮和妳接觸，感覺奇妙又自豪，寶貝就在肚子裏成長，生命循環不息⋯⋯我能做的就是更努力的愛護妳們....期待我小情人的來臨，老婆辛苦了。」謙謙仲hashtag話自己係帥爸爸，等住同佢嘅小情人約會添。就快做老竇嘅喜悅溢於言表！羅仲謙接受《晴報》電話訪問，他透露太太預產期是五月，他說：「影相當日好順利，心情始終都係第一次拍攝準爸爸、準媽媽嘅相，所以好興奮好開心。疫情關係，影樓事前都徹底消毒，又盡量唔太多人喺到，攝影師同所有人都做足安全措施，戴晒口罩，大家都好保護我哋，好快完成拍攝。」她表示太太楊怡懷孕一切順利，不算太辛苦，但疫情關係，都盡量少外出，問到會否為小情人準備BB房？羅仲謙說：「最緊要健康、平安，以後再慢慢安排都可以。」
唔少圈中做咗媽咪嘅好友包括陳敏之同鍾嘉欣都留言恭喜，楊怡話B女出世後要同佢哋約出嚟聚會，網民都好期待佢哋呢個「星B Party」，仲大讚楊枱靚過佗B之前，得天獨厚，肥肚唔肥人。
撰文：黃蘊姿