前TVB體育主播伍家謙現年40歲，外在與內在條件都非常好，身高187cm，有型靚仔，畢業於香港中文大學碩士課程，以前有許多女觀眾都特意為他捱眼瞓，睇《晚間新聞》。不過伍家謙自從娶咗老婆就正式封盤，如今還成為100分好老公，準備下個月做爸爸。
(伍家謙facebook截圖)
伍家謙讀書期間已被派到亞洲電視新聞部實習，大學畢業後他隨即任職體育記者。2003年，伍家謙由伍晃榮帶領加入TVB，他們都愛以輕鬆搞笑手法報道體育，深入民心。由於二人姓氏相同，又好好感情，故曾有不少人誤以為伍家謙是伍晃榮之子，而實情兩人只是師徒關係。
有次伍家謙報道球賽時把勝負隊伍對調，觀眾接連來電指出錯處，他一邊往剪片房改正，一邊嚇至腳軟，暗忖：「死喇呢次。」當時伍晃榮致電伍家謙爸爸，竟說：「伍生(伍家謙爸爸)你放心！我請得佢返嚟，一定同你睇住佢！」伍家謙坦言伍晃榮生前是很兇的老闆，但惡得有理，如今還會懂得珍惜被他罵的時候。
(伍家謙facebook截圖)
(伍家謙facebook截圖)
(伍家謙facebook截圖)
2013年12月，伍家謙與曾任職日本航空空姐、現職項目經理的女朋友謝麗萍結婚，2年後離開TVB，曾經出過著作《伍家謙，交畀你講體育》。
(伍家謙facebook截圖)
下個月，伍太將會誕下孖胎，她以「阿太日常」之名在社交平台分享夫婦相處的小故事，大爆身邊有暖男老公伍家謙悉心照顧：「身兼多職，包括：司機、鐘點、速遞、送外賣、按摩師、糾察（主要監察我嘅步速同食咩）。」而且伍家謙一知道老婆有喜，即放棄買心愛的「單門車」，轉買車箱比較寬闊的休旅車，非常體貼。
雖然兩公婆頻頻更新近況，但伍太的樣貌平時會用卡通頭像遮住，容貌從未曝光。近日，伍家謙為留住老婆佗B一刻終於去影相留念，還寫道︰「以前聽人講，話女人大肚嗰陣最靚，我冇諗過靚到咁。」不少網民一見到馬上激動留言，大讚伍太好靚女：「好靚好似明星」、「以為係苟芸慧」、「太靚喇，又有氣質，以後要改口叫靚太」、「娶到阿太係你上幾世積到嘅福」、「天生麗質」等。
(伍家謙facebook截圖)
他見網民對其老婆反應熱烈，又再於IG動態上載新相，笑言︰「不如教吓大家點溝個咁靚嘅老婆，我記得當年係咁嘅，我係佢前面行過，佢話︰『嘩你好靚仔啊可唔可以做我男朋友呀？』咁囉。」而伍太亦冧爆隔空回覆：「去咗影大肚相，其中最好玩嘅係籃球造型，呢張影到怪獸（伍家謙）好man呀！怪獸你要加油呀，第時你要一邊舉起一隻小怪獸㗎！」
撰文：張芷晴