何婉盈（Elaine）早前接受倪詩蓓邀請，為新城電台節目《詩情廿四味》擔任嘉賓，更於「謠言粉碎機」環節中，大爆當年跟男朋友性格不合而分手，雖然意外有BB，佢都決心要獨力照顧的心路歷程。
何婉盈與倪詩蓓（大會提供）
何婉盈稱：「嗰時其實我都屬於高齡產婦，就算他日再有機會懷孕，我都未必想，因為年紀太大啦。當時我都決定再嘗試同男朋友一齊生活，對方都想結婚，但我唔想，我想睇定啲。因為我之前有陰影，28歲時結過一次婚，29歲就離婚，到今時今日，我聽到『結婚』兩個字，都有啲恐懼感。」後來到囡囡2歲，何婉盈感覺雙方都唔係好合適，所以最終決定分開。
相關新聞：【人生交叉點】何婉盈後悔避孕唔足做單親媽媽 歷1.5次婚姻失敗囡囡快樂行先
（大會提供）
（大會提供）
當時何婉盈單親湊女，收入唔太多，雖然有份馬會嘅穩定工作，但月薪得3、4萬左右。一個女人仔要自己租屋生活，要返工又要請個工人姐姐照顧BB，小朋友讀書都係要錢，其實每月都所剩無幾。做單親媽係辛苦，不過何婉盈都堅持落去：「我覺得段關係冇辦法繼續落去，囡囡生父都有諗過負責任小朋友嘅費用，但始終佢當時收入有限，我覺得唔能夠強人所難。」
何婉盈由細靚到大呀！(何婉盈FaceBook圖片)
何婉盈是愛狗人士(何婉盈微博圖片)
後來何婉盈為生計搵人搭路返內地唱歌賺錢，變相更少時間陪囡囡，佢一直好內疚：「覺得對囡囡唔住，喺佢細細個，2歲幾嘅時候，我成日陪唔到佢。因為我又要返工，又要返內地唱歌，我覺得虧欠咗佢。」因此何婉盈盡量想將最好嘅物質畀囡囡，自認某方面好嬌縱佢，例如阿女想買咩，佢好容易就會心軟答應。
48歲keep得好好！(何婉盈FaceBook圖片)
(何婉盈FaceBook圖片)
雖然係咁，但何婉盈覺得身教好重要，一直有努力教好囡囡價值觀，例如點樣同人相處、對待小動物、尊重食物。阿女12、13歲，何婉盈就開始教佢理財重要性：「佢一星期有$20零用錢，一個月就有$80，如果佢要買文具，就要用個$80去買，希望佢慢慢明白自己要睇住錢點用。」
(何婉盈FaceBook圖片)
最近新冠肺炎疫情持續，何婉盈亦有做義工包裝口罩，送給有需要的人，好有心！
(何婉盈FaceBook圖片)
雖然囡囡冇同生父一齊生活，但何婉盈都樂意比囡囡定時見爸爸。何婉盈稱：「佢爸爸亦都已經有另一個家庭，所以囡囡有個同父異母嘅弟弟。我無阻止佢哋見面，教佢哋要相親相愛，希望成為一個happy girl去成長。」
撰文：羅慧怡