近日新劇《BB大晒》正式開鏡拍攝，劇中除了男、女主角馬國明和岑麗香外，「四大長老」的演員都已經出爐。李國麟和龔慈恩飾演一對，而吳岱融則和已經5年冇拍劇的商天娥拍檔，他們在劇中演馬國明和吳業坤的父母，由於馬明和香香育有一個女兒，變相商天娥「升呢」做嫲嫲喇！劇集開工冇耐，不過演員之間相處就非常之好，香香笑言馬國明係好好先生，就算角色要發脾氣扭佢耳仔、打佢都一樣默默承受，而坤哥在活動上直接稱呼商天娥做「天娥」，一眾後輩都嘖嘖稱奇。身為前輩的商天娥表示完全不介意，笑到標眼水，她說：「佢可能覺得娥姐多人叫，天娥會特別啲。」
相關新聞：商天娥爆不擅辭令得罪人 與鄧萃雯同台一笑「吻」十年恩仇
(圖片：東星娛樂)
(圖片：東星娛樂)
(圖片：吳岱融FB)
今年57歲的商天娥照常理做嫲嫲都是正常事，但其實娥姐多年來都演媽媽或者師奶的角色，形象早已深入民心，早年她曾經獲安排在《隔世追兇》中飾演郭晉安的媽媽，但事實上她只是比安仔大兩年，當時都成為一時佳話。
娥姐曾經接受電台節目訪問時表示：「頭幾年拍咗幾個劇之後，中間有大半年時間停咗工，因為掛住拍拖。我是一個好忘我嘅人，我視拍劇為工作，工作享受完就可以。當時少女情懷，好享受個甜蜜感覺，對方父母對我好好，煮好多好嘢畀我食，細個冇啖好食，梗係食返夠本啦，點知就食到圓潤咗，再返電視台就被人笑我變咗『肥娥』。」
(圖片：網上圖片)
(圖片：網上圖片)
(圖片：網上圖片)
娥姐自認是性情中人，當時不斷被取笑身形，她完全沒有理會，她說：「我係性情中人，唔需要理你哋，照食、照拍拖，我覺得個天好眷顧我，轉條路演第二啲角色，再後來就演師奶。」直至大家習慣了她的圓潤身型，不再談論，她就為自己努力減肥，她說：「好啦，大家唔講啦嘛，唔講我就為自己去減，去纖體公司減咗25磅，仲著埋比堅尼做代言人。」直至近年，身邊的同事、朋友同觀眾都認為她圓潤的身形比較親切、可愛，自己都覺得年紀大，最重要是健康。
相關新聞：《鹿鼎記》周秀蘭80年代仙氣十足成經典雙兒 移民加國信佛茹素做善事
(圖片：網上圖片)
(圖片：東星娛樂)
(圖片：東星娛樂)
(圖片：東星娛樂)
(圖片：商天娥微博)
娥姐雖然曾經戀愛大過天，但終身大事就選擇謹慎行事，她在48歲時才跟拍拖4年的男友結婚。丈夫Patrick從事燈飾生意，娥姐都會夫唱婦隨有時會幫幫手。她認為晚婚沒有影響關係，人前人後都一樣恩愛，經常被傳媒拍到他們行街拍拖，安於簡單的婚姻生活。娥姐曾經表示TVB經歷個朝代，拍劇的同事已經不太相熟，相信今次難得跟差不多年代入行的好戲之人拍檔，才令娥姐下定決心回娘家開工。
撰文：楊安莉