K11 MUSEA自然導賞 與孩子感受城市綠洲

停課一段時間，大家留喺屋企咁耐，可能都想出去唞下氣。黛安就打算帶讀緊小學嘅契女去K11 MUSEA參加戶外自然導賞之旅，等佢可以喺城市綠洲中呼吸新鮮空氣！

K11 MUSEA呢個文化零售地標採用咗葡萄牙石灰石設計，擁有相等於18個網球場大小嘅垂直綠化牆，當中包括大型室內綠色櫥窗同市區屋頂農場，仲有唔少露天餐廳同戶外用餐區。公關姊妹仲話，場內空調系統設有MERV 14過濾網，室外空氣通風系統仲比ASHRAE國際標準高30%，有助減少室內污染物。嚟緊2月29日同3月1日會有公開導賞，由上午11點至中午12點，只需120蚊咋，小童仲只係需要半價咋，大家記得唔好錯過。

另外，小朋友仲可嚟到戶外嘅Nature Discovery Park，透過戶外Art Jamming發揮創意小宇宙，仲有連串別具創意嘅工作坊，等家長同仔女齊齊學習。詳情可瀏覽K11 MUSEA嘅網站。