一田eShop預先訂購 3折掃千款BB用品

為人父母，最緊張一定係小朋友。黛安收到風，一田百貨喺下個月10日至25日將會舉行春日BB展，屆時有近千款BB用品低至3折起發售；喺疫情下，佢哋仲挑選咗超過300件BB用品喺一田eShop供大家率先預訂，各位爸爸媽媽唔使出門都可以買到嘢，真係貼心呀！

一田公關姊妹話，今次BB展有齊衣、食、住、行用品，除咗加強清潔消毒產品，好多BB家具同日用品一樣好抵買。為咗方便各位家長足不出戶都可以添置大型家具及補充日用品，更挑選咗逾300件BB用品預先喺一田eShop畀大家預訂，例如CHERRY角落小夥伴12件嬰兒床品套裝，原價1,599元，特價後只需499元，仲有好多筍貨真係數唔晒，預訂日期由即日至3月3日，買滿800元更可免費送貨。

如果用銀聯信用卡單一簽帳滿500元，即可獲40元即時折扣；同埋購物前記得下載YATA-Fans手機App，落單前連結一田eShop帳戶，網購每滿1元賺1分，星期三更有3倍積分優惠㗎。