新冠肺炎(武漢肺炎)疫情持續擴散，大家為咗「避炎」都少咗出街，多咗時間留喺屋企。喺屋企煲劇可以話係一個唔錯嘅選擇，韓劇《愛的迫降》亦都因為咁樣Hit上加Hit!
雖然《愛的迫降》已經播咗大結局，但係一眾劇迷仍沉醉於幻想之中無法抽身，事關劇中飾演北韓軍官嘅玄彬溫柔體貼又高大靚仔，可以話係完美人版，基本上冇一個雌性生物可以抗拒到佢！圈中的唐詩詠、田蕊妮、胡鴻鈞等都自認「中毒」，田蕊妮笑稱自己打坐都無法安靜，整個腦袋都是《愛的迫降》的劇情畫面。
(圖片：網上圖片)
唐詩詠早排日日追。(圖片：唐詩詠IG截圖)
田蕊妮睇完之後直認中毒好深。(圖片：田蕊妮Facebook 截圖)
胡鴻鈞愛上首主題曲，仲練習自彈自唱。(圖片：胡鴻鈞Facebook 截圖)
不過今日洪永城同方健儀分別喺自己嘅社交網揭開「殘酷」真相，Post佢哋同「玄彬」嘅合照。2015年洪永城拍《在那遙遠的地方》曾走入神秘嘅北韓，佢留言：「毒，我就無中，不過的確開始睇咗幾集《愛的迫降》，我知你知北韓嘅玄彬應該係咁嘅樣，因為我接觸過。」佢另外仲推薦另一套講南北韓嘅電影《JSA安全地帶》，大讚故事寫實又好睇，唔知係咪即係叫大家唔好咁多幻想呢？
洪永城一出Post即刻引起「玄彬太太們」極大回響，「鬧爆」佢令大家幻想破滅，不過洪永城就話知道自己講出真相係有代價，就連老友黃翠如都鬧埋一份：「U r super bad」。
洪永城話佢係玄彬...嗰種軍人。(圖片：洪永城IG）
(圖片：洪永城IG）
(圖片：洪永城IG）
另一邊廂方健儀都話唔理解大家點解話北韓官軍好靚仔，仲抵死咁加埋真·玄彬同真·軍官出嚟比較，幽默咁話《愛的迫降》個降係投「降」個降，或者「降」頭個降！其實人生都已經咁艱難，洪永城同方健儀又何必迫得大家太緊呢！
方健儀呀方健儀，唔好咁現實得唔得呀？（圖片：方健儀IG)
撰文：黃蘊姿