【新冠肺炎】診所睇醫生要求護士除口罩 港女極囂張：驚死唔好做呢行

新冠肺炎（武漢肺炎）疫情蔓延下人人自危，大家都會戴上口罩以保障自己及他人。不過，此時此際，有診所護士日前卻遇上「奇人」提出無理要求，一名求診女子竟要求她除下口罩；被當面拒絕後，對方竟然囂張地稱：「咁驚死就唔好做呢行呀嘛！」

診所護士「珍寶豬」今日（20日）在其Facebook專頁「診所低能奇觀」發文分享，指近日一名女子前來診所，彼此對望後，她遂詢問對方是否需要登記看醫生。未料，對方注視了她一會後，竟詢問道：「你戴晒口罩好驚咩？」

珍寶豬聽後大感詫異，反問女子：「吓？診所戴口罩好正常呀？」對方聽後，竟然表示：

「咁驚死就唔應該做呢行嘛，我入到嚟以為呢度啲人有咩重病呀！」

對此，珍寶豬只好向女子解釋戴口罩是平常之事，著對方不用緊張，如果她身體不適亦好應該戴口罩，同時亦再詢問她是否需要看醫生。女子聽罷竟然掩住口鼻表示：

「你咁樣我邊敢睇呀？你可唔可以除咗個口罩先同我講嘢㗎？」

珍寶豬只好詢問女子是否聽不清楚她說話，「我可以大聲啲」；女子聽後表示「冇嘢啦」後轉身離去，並再次重複：「咁驚死就唔好做呢行呀嘛！」對於今次事件，珍寶豬在無奈地稱：

「我打份工啫，冇必要用生命硬接一切嘅。」

此事引來網民熱議，不少人均斥責女子有問題，在疫情嚴峻下不但提出無理要求，而且自己有病又不戴口罩實屬自私之舉，「咁佢應該所有診所都唔使去」、「而家成條街九成九嘅人都戴口罩，唔知佢點睇呢？」、「小姐，既然你唔驚死，不如你唔好睇醫生」、「有病先會睇醫生，佢唔戴口罩係冇公德心！」

撰文：李凱晴