現年53歲嘅超級鑽石王老五李澤楷同舊愛梁洛施（Isabella）育有3個仔，不過二人早喺9年前已經分手，而現年10歲嘅大仔Ethan同一對9歲嘅孖仔就跟媽咪生活。日前李澤楷同梁洛施兩人激罕合體，去到大埔撐大仔參加武術比賽。梁洛施戴上口罩遮樣，而李澤楷就大方現身冇遮蓋容貌，完全唔介意畀人認出。
（網上圖片）
不過據知二人係分開到場，梁洛施同囝囝以及兩個保鏢先到學校，而李澤楷就之後先現身。李澤楷睇阿仔比賽時表現緊張，慈父樣出晒嚟，仲幫阿仔整理武術衫，唔係好嚴肅，雖然阿仔黐阿媽多，但同爸爸關係都唔錯。
（Facebook圖片）
不過翻查武術比賽名單，見唔到大仔一直向外官方宣布嘅名「李長治」，反而係見到「李長智」一名，未知係咪曾經改名。
（Isabella IG）
Isabella同李澤楷分開後專注湊仔，不時都喺IG曬同3個仔嘅家庭樂，不過為咗保護佢哋都會遮住佢哋嘅樣。之前一對孖仔生日，Isabella就好感性咁打咗一段長文，字裏行間都睇得出充滿愛呀！
今天，你們已經9歲了，儼然一個“小大人”了，媽媽為你們的成長驕傲！為你們在成長過程中學到的知識自豪！ 你們可知，多少個平淡的日子媽媽因為有你們而樂事無窮，多少個不開心的日子因為有你們而一切風平浪靜，多少個幸福的日子，因為有你們而更加甜蜜！ 你們是我在這世界上的最大成功和幸福！ 你們知道嗎，因為你們，媽媽已改變了許多，變得很堅強，也變得好脆弱！陪伴你們的日日夜夜有歡喜有淚水，更多是從心底流淌出的愛與責任。 媽媽想對你們說，你們的人生也許平淡無奇，也許光輝燦爛，但不論是哪一種，媽媽都希望你們健康快樂，做個熱情、達觀、誠實、守信、正直、和懂感恩的人。媽媽想讓你們知道：要志存高遠，更要腳踏實地；面對人生的得失，記得寵辱不驚；禮貌和教養永遠是你的臉面。 我的寶貝們，媽媽是多麼多麼的愛你們……我把心底的愛流淌成這些文字，當作生日禮物送給你們，希望你們健康、快樂成長!
再次祝你們生日快樂!
Mama loves you!😘❤️（Isabella IG）
Isabella與李澤楷分手之後一直保持良好關係，亦會為咗3個仔而見面交流，不過關係只係「家人」。李澤楷亦都開展新戀情，上年更罕有地高調帶港姐季軍女友郭嘉文出席公開場合，間接承認女友地位。
雖然二人未有拖手，但就任影唔嬲。（東星娛樂）
細小小超26年嘅郭嘉文同梁洛施風格完全係兩個極端，係樣子甜美嘅小家碧玉，作風亦都好低調。雖然貴為「百億女友」，但生活一啲都唔奢侈，上年同李澤楷一齊出席賽馬日活動時所拎嘅手袋都係平民牌子，索價港元3,000蚊左右。
郭嘉文乖乖緊隨小小超身後。（東星娛樂）
郭嘉文出身小康之家，城大畢業，主修工商管理，參選2015年「香港小姐」奪得季軍後踏足娛樂圈。當選港姐後，郭嘉文簽約無綫成為合約藝員，但鮮有在幕前演出，最為人熟悉係曾主持《東張西望》，被「小小超」私有化後，2017年已正式離開無綫，開始淡出幕前。
郭嘉文放喺枱上嘅卡片套都係2,000蚊左右。（郭嘉文IG）
郭嘉文成功降服李澤楷，全因性格低調又節儉，郭嘉文同「小小超」拍拖，亦唔會特別炫富，IG都係同寵物自拍多，日常生活同普通女仔無異，素顏出街、食pizza、會睇減價波鞋，夠晒貼地。
撰文：黃蘊姿