美心新春送大禮 食賀年飯送晚膳禮券

農曆新年拜年，安排喺邊度食飯都好緊要，黛安聽公關姊妹講，美心中菜今年新春送大禮啊！食多啲就送多啲！

姊妹話，由今個月25日至2月3日，即係正月初一至初十期間，喺美心中菜食府單一消費滿500元或以上，即可獲贈「美心中菜$200晚膳禮券大利市」，可以喺下一次吃飯時用，而且不限消費額，適用餐廳仲非常多選擇，包括全綫美心皇宮、全綫美中‧鴨子、城中鴨子、魚塘鴨子等。

另外，除咗傳統賀年飯，仲有新年必備嘅「鮑魚三文魚撈起宴」和「鮑魚三文魚鮮蝦撈起宴」，食完一定可以撈到風生水起啦！

公關姊妹同黛安講，只要即日起至2月23日，用信用卡惠顧「鮑魚三文魚撈起宴」半席，即送150元晚膳優惠券，惠顧一席就獲贈300元晚膳優惠券，可以下一次光顧時使用，每次最多可以用2張，適用於全綫美心皇宮（中環大會堂分店除外）、翠韻軒、全綫翠園（美心.翠園除外）、八月居、全綫八月花、怡翠軒；而惠顧「鮑魚三文魚鮮蝦撈起宴」同樣係每半席及每一席分別送150元及300元晚膳優惠券，適用於全綫潮江春（中環怡和大廈除外）和全綫潮庭，咁抵，你點可以錯過呀！