換賀年「開運大吉樹」 麥當勞送大家真摯祝福

講起日本卡通，真係不得不提近來大熱嘅超人氣卡通人物角落小夥伴，黛安同公關姊妹八卦到，即日起，成班小夥伴會嚟到麥當勞驚喜登場，仲會化身成開運大吉樹嘅新年小福星，祝福大家五福臨門、吉星高照！另外，招財福堡系列又返嚟喇，同大家慶賀新春。

特別介紹嘅係由金黃色外脆內軟嘅脆薯餅、沾上蒜味濃郁黑胡椒醬嘅牛肉，再配上爽脆洋蔥粒，夾喺芝麻長麵包中，組成豐富嘅黃金脆薯牛堡，絕對係你嘅新年首選；黃金脆薯雞堡就由沾上濃郁黑胡椒醬嘅板燒雞腿組合而成，兩款漢堡香脆惹味、口感多變，令人食指大動。

連埋招財牛堡同招財雞堡都會同步回歸，各款招財福堡超值套餐，全部加5元仲可配埋金黃香脆嘅增量裝扭扭薯條，或加8元升級至大大啖組合，有增量裝扭扭薯條之餘，仲有全新大大杯熱情果梳打呀。

公關姊妹話，即日起凡惠顧任何食品加218元，即可換購角落小夥伴開運大吉樹同白熊、企鵝?、炸豬排同蜥蜴4款角落小夥伴掛飾，等大家自由組合專屬嘅開運大吉樹，仲送多3張麥當勞10元美食券。如果喺推廣期內透過麥麥送惠顧指定套餐，就可以加38元換埋炸蝦尾掛飾一隻，一於齊集5個角色，將呢幾個可愛小福星帶返屋企啦！