「得閒修女」劉小慧昨晚開直播，還邀請了兩位女嘉賓，其中一位是她的細女Ina，另一位是小慧的姨甥孫女Natalie。3歲的Natalie非常可愛，與小慧對答有紋有路，她揚言手上的戒指是「老公」所送，對方是同齡的3歲男孩子，非常可愛。
小慧說：「有一次佢問我可唔可以同舅公結婚，即係我老公蘇志威，我問佢點解要同舅公結婚？」Natalie笑笑口說：「因為舅公都幾靚仔，唱歌跳舞嘅時候好靚仔，不過瞓醒之後就唔靚仔。」小慧說：「當時佢話要同舅公結婚，我話好啦你去問舅公啦，點知佢後來嬲爆爆咁返嚟，話爸爸唔畀佢同舅公結婚，真係笑死。」
相關新聞：【直播】劉小慧親身教你正確洗頭四部曲 原來好多人都忽略重要一步
劉小慧帶埋細女Ina同姨甥孫女Natalie上直播。(圖片：劉小慧Facebook）
(圖片：劉小慧Facebook）
(圖片：劉小慧Facebook）
不過大家有個疑問，既然小慧是Natalie的姨婆，何解她稱呼蘇志威做舅公呢？正常稱呼姨婆的丈夫就叫做姨公才對，點解會咁呢？小慧在直播的最後終於解答大家的疑團，原來是一家親的關係。小慧說：「呢個關係好複雜又好搞笑，Natalie的媽咪係我家姐個女，而佢個爸爸係蘇志威家姐個仔，即係話我哋兩家人親上加親，佢家姐個仔娶咗我家姐個女。咁Natalie跟媽咪嗰邊叫我做姨婆，但佢就跟爸爸嗰邊嗌做舅公。如果將來學校要考親戚關係圖的話，可能佢會搞亂。」
相關新聞：瘦底凸腩全因脾濕？ 劉小慧教瞓醒一招有效減肚腩 推介健脾祛濕食譜
劉小慧同蘇志威一向恩愛，估唔到今次姨甥孫女話要介入婚姻，認真搞笑。(圖片：劉小慧Facebook）
小慧每次直播除了介紹產品之餘，不時都會教大家一些「養生小錦囊」，今次她介紹按手前臂的一個穴位，只要按對位置多多按摩，就有助解決便秘的困擾，她表示按穴位不是食藥，不是一按即有效，不過如果長期面對便秘問題的人，不妨多按，有助解決經常便秘的問題。穴位位於手腕對落4隻手指的位置，用適當的力度按摩，就有助排便及紓緩便秘不適。
先用四隻手指度位。(圖片：劉小慧Facebook）
按摩中間位置。(圖片：劉小慧Facebook）
多多按摩就有助解決便秘問題。(圖片：劉小慧Facebook）
撰文：楊安莉