A-1 Bakery精美蛋糕 同史諾比探索宇宙

踏入2020年，原來仲係「PEANUTS」花生漫畫連載70周年，黛安收到風，A-1 Bakery Group嚟緊將會聯乘「PEANUTS」花生漫畫，推出「史諾比探索無限宇宙」系列產品，當中包括史諾比登陸月球嘅朱古力忌廉蛋糕，由鬆軟朱古力海綿蛋糕配上香甜朱古力忌廉，面層鋪上碎朱古力合桃同朱古力月球慕絲，仲有史諾比專屬火箭同成功登陸月球嘅旗幟，好食又夠cute！

另外，仲有史諾比太空之旅嘅草莓醬忌廉蛋糕，由得意嘅史諾比頭像陶瓷甜品杯，盛載住幼滑草莓醬忌廉蛋糕，仲注入咗史諾比無比豐富嘅正能量，食完將個杯洗乾淨，仲好有收藏價值。大家快啲去A-1 Bakery買甜品，同史諾比一齊踏上探索浩瀚宇宙嘅新旅途啦！