李珊珊近年神隱沒公開露面，外界有不少傳聞，有指她患腦瘤，亦有傳她有抑鬱症。至今年年初，珊珊應好朋友王賢誌邀請岀席《誌友共聚》慈善音樂會，是她神隱7年後首次公開露面。當時她分享自己患了大病，但沒講太多細節，身邊好友見她健康都放下心頭大石。珊珊隨後積極重投生活正軌，與朋友一齊拍攝YouTube片做運動。
(圖片：東星娛樂)
(圖片：李珊珊微博網上截圖)
相關新聞：李珊珊屢傳患腦癌兼抑鬱症神隱7年 因一事出錢出力救弱勢
直至今日（22日），精神健康基金會在Facebook專頁上載一段短片，珊珊在片中首次公開承認曾患上情緒病，「我係李珊珊，I have a story to tell... 2017年，我身處醫院，當時因為種種原因，第⼀次出現非常激烈嘅病徵，發熱、標冷汗、全身冇力、呼吸困難，不停地掙扎，直至到眼前⼀黑。嗰種令人窒息嘅感覺，我直頭覺得喺瀕死邊緣。經過唔同嘅檢測，專科醫生都搵唔到病因。病徵持續出現，每日都徘徊地獄又折返人間，兜過唔少冤枉路，做過唔少測試，都係搵唔到病因。直至有⼀日......經轉介去見劉英傑醫⽣，我先知道個病係叫驚恐症。幸好劉醫生教曉咗我，情緒病其實同傷風感冒⼀樣有得醫。我開始向信得過嘅朋友分享，輕描淡寫地透露我嘅狀況，就好似患咗傷風感冒⼀樣，No big deal！然後，我就只係做2件事，準時覆診，準時食藥，加上好友們嘅關⼼同不離不棄，病情慢慢好轉，驚恐症嘅症狀無再發生，瀕死邊緣嘅感覺無再出現。」
(圖片：大會提供)
(圖片：大會提供)
珊珊再以過來人的身份鼓勵同路人，她說：「情緒病其實同普通病無分別，搵啱醫生食啱藥，病就⾃然會好。我選擇行出嚟同⼤家講我嘅故事，係希望有相同遭遇嘅朋友，又或者你身邊有相同遭遇嘅朋友，都可以分享佢哋嘅故事。」
相關新聞：「神隱」李珊珊回帶少女時 為人仗義大膽鬧爆大陸編劇
(圖片：精神健康基金會Facebook短片截圖)
(圖片：精神健康基金會Facebook短片截圖)
(圖片：精神健康基金會Facebook短片截圖)
(圖片：精神健康基金會Facebook短片截圖)
(圖片：精神健康基金會Facebook短片截圖)
(圖片：精神健康基金會Facebook短片截圖)
(網上圖片)
除了珊珊外，鄭秀文、甘比、何超蓮、古天樂等亦有份拍攝短片支持是次呼籲，為珊珊和其他情緒病患加油打氣，而林保怡跟李珊珊在《鑑證實錄》入面的「大佬原」與「小棠菜」更是令人印象難忘，今次為了好友挺身而出，實在非常難得。
撰文：楊安莉